بعد اتهامات الجمهور.. مصطفى شوبير يدافع عن والده: مفرقتوش عن اللي ظلم رفعت

خرج مصطفي شوبير حارس مرمي النادي الأهلي عن صمته ليدافع عن والده الإعلامي أحمد شوبير، بعد اتهامات الجمهور بتحمله مسؤولية ماتعرض له أحمد رفعت لاعب مودرن سبورت قبل رحيله.

وكتب مصطفى شوبير عبر خاصية الأستوري بـ صفحته على موقع اتبادل الصور والفيديوهات القصيرة إنستجرام: اتهامات اتهامات وخوض في ذمم بدون علم ولا أي دليل.. انتو مفرقتوش عن اللي ظلم رفعت في حاجة ودلوقتي بتتهموا ناس ظلم بأذى شخص بدون أي دليل حتى دي عايزينها اهلي وزمالك وتريند أخو اللاعب طلع وقال اسألوا فلان وذکر اسم شخص.

وأضاف: وكيله كان قاعد وحصلت مواجهة بينه وبين الشخص اللى تم ذكر اسمه فين بقى اسم احمد شوبير في جملة مفيده؟ ولا أخو رفعت ولا وكيله ولا المحامي بتاعه قال حاجة أو ذكر اسمه حتى زي ما المفبركين بيكتبوا التريند عمى الناس والاتهامات الباطلة.

وتابع: أي حد بيكتب أي حاجة الناس للأسف بتصدقها وخلاص وياريت الناس اللي بتكتب ده درس لينا تبدأ بنفسها الأول ومتظلمش حد تاني باتهامات باطلة بدون أي دليل لأن كده أنت أول واحد متعلمش من اللي حصل وبتعيد الظلم بس بطريقة تانية استقيموا يرحمكم الله.

وأتم: وسيبكم من التريند كلنا لله راجعون.. أخيرا ربنا يرحمك يا رفعت أكيد أنت في مكان أحسن لا تنسوه من صالح دعائكم .