غادة عبد الرازق: صيد العقارب كسر نحس نجحاتي .. والناس دخلت المسلسل حاطين أمل عليا

كشفت الفنانة غادة عبد الرازق عن طريقة تعاملها مع العقارب في مسلسلها صيد العقارب، الذي عرض في موسم رمضان الماضي 2024.

قالت غادة عبد الرازق خلال لقائها ببرنامج كلمة أخيرة، مع الإعلامية لميس الحديدي: حبيت شخصيتي في مسلسل صيد العقارب لأنها شبهي جدا في الحقيقة وحسيت أن صيد العقارب كسر نحس نجحاتي الكبيرة في الأعمال التانية، وده لان أما عمل بيحقق نجاح كبير بيبقى صعب أن أدخل عمل تاني ويكون نجاحه أكبر منه، ولكن مسلسل صيد العقارب قدر يعمل ده.

وتابعت: العقرب اللي ظهر معايا في صيد العقارب كان صديقي، وكانوا في التصوير بيعذبوهم عذاب بشع وطلعوا بيكهربوهم عشان السم ينزل من الذيل، واتدربت 5 دقايق بس عشان أقدر أتعامل معاهم، أنا مخوفتش منه، وأنا بصور فيه عقرب وقع نزلت جبته من على الأرض، ومفيش راجل واحد من الـ 150 فرد اللي قدامي اتحرك من مكانه وجه يساعدني.. قولتلهم فعلا في ضهري رجالة.

وأضافت: بتضايق من الناس اللي دايما عايزين يشوفوني في دور شخصية قوية بتكسر كل اللي حواليها.

وعن تدخلها في أعمالها الفنية، قالت: اتدخلت في كل حاجة في مسلسل صيد العقارب وكل تدخلاتي بتبقى لصالح العمل مش لصالح غادة عبد الرازق وكان كله باحترام وده لأن الناس كانت بتشارك في صيد عقارب معتمدين عليا وأملهم فيا بعد ربنا.

الجدير بالذكر، أن مسلسل صيد العقار من بطولة غادة عبد الرازق إلى جانب كلا من النجوم رياض الخولي، محمود عبد المغني، سيمون، أحمد ماهر، ميار الغيطي، منال سلامة، محمد علي رزق، مجدي بدر، ومن إخراج أحمد حسن وتأليف باهر دويدار.