أبرز تصريحات بيومي فؤاد في برنامج صاحبة السعادة .. كنت مستصغر نفسي على الجواز و عمري ما اشتغلت عشان الفلوس

تصدر الفنان بيومي فؤاد محركات البحث على جوجل بعد ظهوره في برنامج صاحبة السعادة مع الإعلامية إسعاد يونس، وخاصة بعد انضمام زوجته للحلقة.

ويعرض موقع جريدة "الاموال" في السطور التالية، أبرز تصريحات بيومي فؤاد خلال برنامج صاحبة السعادة:

- أنا طالع لأبويا وبحب الشغل حتى في صلاتي بقول ربنا يكفينا قعدة البيت الوحشة وكم من فنانين وناس كتير لما يحالوا على المعاش بينقلب حالهم وبيجيلهم اكتئاب خاصة أصحاب الأثر والبصمة.

- أنا من قبل الشهرة كنت موظف حكومة وبعمل مسرحيات كتير وممكن 3 مسرحيات في وقت واحد وكنت راضي ومكتفي ومكنش في دماغي الشهرة.

- كنت حريف كورة، وكنا بنلعب في مدرسة وأحيانا قدام سفارة أستراليا وكانوا بيمشونا وساعات الشرطة كانت تجري ورانا.

- كنت مستصغر نفسي على الارتباط مع إني مش صغير، وكان في دماغي أعتذر للبنت لكن ربنا غير الكلام على لساني، ولقيت نفسي بقول لها اسمي الثلاثي كذا، وأمي ست بيت، وإنت ساكنة فين علشان أتقدم لكم.

- عمري ما اشتغلت عشان الفلوس وولادي قاطعوني أسبوع بسبب عمل فني.

- قررت أسافر لألمانيا علشان أشوف موضوع رجليّ اللي بتوجعني ولكن معرفتش بسبب كثرة الأعمال.. ودلوقتي بعمل رجيم ودايت مع دكتور عشان لقيت عندي قناة في ضهر بتقفل الدم بتجيب ليّ تنميل ومشكلة في الأعصاب.