بسنت شوقي: يمكن ربنا عمل كده في غزة علشان الجيل الجديد يعرف يكمل المسيرة
تحدثت الفنانة بسنت شوقي عن الأحداث التي تعيشها غزة خلال الفترة الحالية على يد الكيان الاسرائيلي، وذلك خلال لقائها ببرنامج "عرب وود" .
وقالت بسنت شوقي : يمكن ربنا عمل كده علشان الجيل اللي طالع وما كانش عنده انتماء أو معرفة واطلاع بالقضية زي جيلنا، يبقى عارف يكمل مسيرة الحرب مع التكنولوجيا، والله أعلم إيه هيحصل، لكن الموضوع كبير مش بس في عدد القتلى والمصابين ولكن في الأثر النفسي على الناس، لأن زمان كنا بنشوف نشرة الأخبار والتليفزيون حاليًا السوشيال ميديا تنقل كل حاجة وكل حاجة بتيجي في وقتها وفيه عمق وربنا معاهم ويا رب الموضوع يخلص ومفيش حاجة أقدر أعملها غير الدعاء.
وتابعت : الحاجة الإيجابية اللي طلعنا بها من الموضوع الوعي، لأن زمان مكنش في سوشيال ميديا لكن دلوقتي بقى في وعي عالمي على القضية، ووعي للجيل اللي طالع لأن دول كانوا ناس مغيبين تمامًا، دي يمكن بريق الأمل اللي في الموضوع اللي هو أنا حاسة أنه هيكمل في موضوع القضية والسوشيال ميديا هتساعد في الضغط على القوى العظمى.
آخر أعمال بسنت شوقي
يذكر أن آخر أعمال بسنت شوقي مشاركتها في مسلسل علاقة مشروعة بطولة الفنان ياسر جلال والفنانة مي عمر، والذي عرض في الموسم الرمضاني الماضي وتكون من 15 حلقة فقط، والعمل من تأليف سماح الحريري، وإخراج خالد مرعي.
