منى فاروق تتراجع عن الاعتزال و تناشد نقيب الفنانين:محتاجة شغل.. عاوزة أعرف أعيش

عبرت الفنانة منى فاروق عن حزنها الشديد لامتناع الوسط الفني عن التعامل معها، مناشده دكتور أشرف زكي و الأستاذ أشرف عبد الباقي و شركات الإنتاج للنظر في حالتها المأساوية.

الفن مصدر رزقي الوحيد

وكتبت منى فاروق خلال خاصية استوري بحسابها الرسمي بموقع التواصل الاجتماعي "إنستجرام": مساء الخير.. الكلام اللي بقوله دا خارج خالص عن فكرة أني أخد التريند، واعمل زي أي حد.. أنا قولت اعتزلت الفن لسبب واحد.. دا مصدر رزقي الوحيد اللي أنا بحبه وعاوزة اشتغله، لكن لما أوصل لمرحلة أني مش عارفة ادفع إيجار بيتي.. حاجة تتعب.. أنا محتاجة اشتغل عشان أعيش زي أي بني آدمة طبيعية.

وتابعت: أنا غلطت وربنا بيسامح ليه البني آدمين مش عاوزين يسامحه.. أنا بسمع بودني لا بلاش منى عشان الفيلم والمسلسل ميتضرش، ليه ياربي أنا بقيت منبوذة من كل الناس، أنا مش طالبة غير أني اشتغل في الحاجة اللي بحبها عشان أعرف أعيش.. المجتمع حططني في المكان الوحش بس مش يمكن عاوزة أبقى كويسة زي أي واحدة، ليه بتقفلوها قدامي.

منى فاروق تناشد نقيب الفنانين

وأتمت: عشان كدا أنا بناشد دكتور أشرف زكي، الأستاذ أشرف عبد الباقي، شركات الإنتاج، محتاجة شغل، عاوزة أعرف أعيش، ولما قولت قرار اعتزل من أجل لو حد شافني بشتغل في محل لبس أو أي شغل ميقولش ايه دا، مش طالبة غير اشتغل أبوس ايديكم عاوزة اشتغل.

اعتزال منى فاروق

وكانت منى فاروق أعلنت اعتزال الفن حيث كتبت عبر حسابها بـ إنستجام: تعبت وأشعر بعدم التقدير لشخصي ولموهبتي.. ولم أعتد البقاء في مكان ومع أشخاص لا تقدرني.. تعبت.. لذلك اعتزل.

وأضافت : إجازة مفتوحة من السوشيال ميديا.. مش هكون موجودة.. مش عاوزة حاجة من حد.. ولا حد يعوز مني حاجة.. واللي زمان أنا عيشته لغيري أنا دلوقتي هعيشه لنفسي.. محتاجة أكون نفسي.. محتاجة سلام نفسي.. اللي بيحبوني شكرا وكتر خيركم، واللي مبيحبونيش شيلوني من حساباتكم، لحد ما أقدر أواجه الحياة الظالمة دي تاني.. سلام.

آخر أعمال منى فاروق

يذكر أن آخر أعمال منى فاروق، هو مسلسل “أيام ج2” الذي عرض في يناير 2022، وهو بطولة حورية فرغلي ، وشيري عادل، ورياض الخولي، وأحمد صفوت، وسلوى خطاب، وجمال عبد الناصر، وسماح السعيد، وحجاج عبد العظيم، ورشدي الشامي، ولقاء سويدان، وندا موسى، ومحمد عادل، ومحمد الصاوي، ومحمود حجازي، ومنى فاروق، وحنان يوسف، وصفاء جلال، وهاجر عفيفي، وسلمى غريب، ومصطفى عبد السلام، ومي القاضي، وحلمي فودة، وياسر صادق، وفتحي سالم، وفاطمة عادل، وحنان عادل، وطه خليفة، ومحمد المغربي، وهشام شرف، وسليم هاني، من تأليف: سماح الحريري، وإخراج: محمد أسامة.