”بيكلم ستات كتير جدا”.. برلنتي عامر تكشف السبب الحقيقي وراء انفصالها عن سعد الصغير
كشفت الراقصة برلنتي عامر، للمرة الأولى سبب انفصالها عن زوجها السابق، الفنان سعد الصغير.
وقالت برلنتي خلال لقاء لها ببرنامج قعدة ستات مع المذيعة مروة صبري: لقيته بيعرف واحدة في حدايق الأهرام، هي معرفة بس مش صاحبتي خالص، كانت بتحاول تعرفني وتقرب مني، ومن 3 سنين قالتلي هخطف منك سعد الصغير.
وتابعت: واتصدمت في سعد أنه ازاي يعمل كدا، لأنه من 3 سنين شتمها وعملها بلوك، وهي عايزة تتشهر، وقريب هقول هي مين.
وواصلت: من بعد عيد ميلادي والهدايا الألماظ ستات كتيرة بقوا طمعانين في سعد الصغير كفلوس والبنت دي عايزة تتشهر فطمعانة فيه.
وأضافت برلنتي: سعد مش عايز يطلقني، وهو اللي اتشهر بيا، وبقى يجيله شغل بعد ما اتجوزني، وشوفت بلاوي على تليفوينه بيكلم ستات كتير جدا قولتله فين الوقت استغربت راح أوردر في الإسكندرية و50 اتصال، وفي "فويس" بصوته بيقول خلي بالكم برلنتي هتكلمكم تسألكم، لأنه بيخاف مني شوية وبيحترمني".
