”خالتي اللتاتة”.. الجمهور يسخر من ياسمين عز بعد رسالتها لـ كرستيانو رونالدو

تعرضت الإعلامية ياسمين عز لموجة عالية من السخرية على منصات التواصل الاجتماعي بسبب رسالتها لنجم منتخب البرتغال كرستيانو رونالدو.

حيث قالت ياسمين عز خلال برنامجها كلام الناس على قناة mbc مصر: "رسالتي بقي المرادي لـ كريستيانو رونالدو.. وأنا عارفة إنه بيتابع البرنامج وبيحبنا وبيحب البرنامج".

وتابعت: "والنبي يا شيخ لو ليا خاطر عندك أجبر بخاطر البت المسكينة الغلبانة جورجينا، وإتجوزها أديك شوفت امبارح يعني شيلاك في عينيها، صاينه عيالك، محافظه عليهم وبعدين عمرها ما اشتيكت رغم إنك مرمطها وراك كعب داير من مدريد لـ ايطاليا".

وأضافت ياسمين عز: "اتجوزها وإن شاء الله ربنا يكرمك أكتر، اتمني ربنا يهديك وتراجع نفسك في موضوع الجواز ده ونشوفكم إن شاء الله في الكوشة السنة الجاية، ومعاكم ولاد تانين ونفرح بيكم بإذن الله".

الجمهور يسخر من ياسمين عز

وعقب انتهاء الحلقة، بدأ الجمهور في تداول الفيديو وجاءت التعليقات على رسالتها لـ كرستيانو رونالدو، كالتالي:"لا وهو كان مستنيكي يا ياسمين يا حبيبتي تدي رايك في الموضوع ده وهيكتب عليها قريب ان شاء الله"، "خالتي اللتاته محسساني ليه انه قاعد بيستنى البرنامج بالساعة فوقي محدش يعرفك غيرنا احنا بس اللي اتبلينا بيكي".

و كتب أحدهم :"بتقول له انا عارفه انه متابعنا وبيحب البرنامج بتاعنا.. لا وايه بتقول لو ليا خاطر عندك ياشيخ اتجوزها ده على اساس انه ابن خالتها مثلا"، وأخر:"و الله يا ياسمين يابنتي انا بحس انك قاعدة ع المصطبة بترغي مع جارتك".