مقطع فيديو وثق الجريمة.. القصة الكاملة لواقعة التحرش بكارولين عزمي

وثقت الفنانة كارولين عزمي لحظة تعرضها للتحرش والمضايقات منقبل أحد الأشخاص أثناء قيادتها سيارتها، موضحة أن السائق وجه لها كلمات سيئة فور قيامها بتسجيل الواقعة بكاميرا هاتفها.

كارولين عزمي توثق واقعة تعرضها للتحرش

ونشرت كارولين عزمي، عبر حسابها الرسمي بموقع تبادل الصور والفيديوهات" إنستجرام"، فيديو خلال تعرضها للتحرش اللفظي، وعلقت قائلة: "مساء الخير، أنا اللي يعرفني أو متابعني عارف إني شخص مالوش في المشاكل ولا عمري شاركت مشكلة تخصني سوشيال ميديا".

وتابعت:"باختصار النهاردة كنت في عربيتي وجنبي عربية فيها واحد كسر عليا، كل اللي عملتوا إني بصتله وبصيت قدامي فلقيته بيكرر نفس الحركة تاني بإستظراف، روحت طلعت الموبايل وعملت نفسي بصور عشان أخوفه وأخليه يبطل يضايقني".

كارولين عزمي تتعرض لتحرش لفظي

واستكملت كارولين : "اتفاجأت وهو بيقولي بتصوريني يا بنت ... ساعتها اتخضيت وبدأت أصور بجد وإنتوا هتشوفوا في الفيديو الحركات اللي بإيده والشتايم، وبدأ يقولي تعالي ورايا والحقيقة إني مش عارفة أروح واره فين أو كان عايز يعمل إيه ولانى اتوترت وخوفت ساعتها مقدرش أصور ١٪؜ من اللي عمله الشخص ده".

وأضافت:"أنا اتشمت واتهانت واتشمت بأهلى بأقذر الشتايم النهارده من حد معرفوش ولا عملتله حاجة ولا فتحت بوقي لمجرد إنه شخص مريض".

كارولين عزمي تطالب بمعاقبة المتحرش

واختتمت :"أكيد الشخص ده أذى بنات كتير لأنه تقريبا متعود على الحركات دي ومتعود يخوفهم ومش همه حتى إنه يتصور ويتفضح، أنا عايزة حقي يرجعلي".

كارولين عزمي تنتظر "أبو العروسة3"

وعلى الجانب الأخر، تنتظر كارولين عزمي عرض أخر أعمالها الفنية، وهو الجزء الثالث من مسلسل "أبو العروسة"و يشارك فيه العديد من الفنانين منهم، سوسن بدر، محمود حجازي، سيد رجب، أحمد صيام، ديانا هاشم، خالد كمال، أسماء جلال، نانسي صلاح، نيرمين الفقي، ولاء الشريف، مدحت صالح، والمسلسل تأليف وإخراج هاني كمال.