بعد ضبط المتحرشين بابنتها.. نشوى مصطفى تتنازل عن القضية:للاسف كلهم سنهم صغير
أعلنت الفنانة نشوى مصطفى تنازلها عن قضيتها ضد المتحرشين بابنتها، وذلك عبر حسابها الشخصي بموقع التواصل الإجتماعي "فيس بوك".
وكتب نشوى مصطفى:"يوم طويل — فى نهاية اليوم احب اقدم كل الشكر والامتنان لمعالى النائب العام وللفاضل الاستاذ رئيس نيابة الهرم وللفاضل وكيل نيابة الهرم — بلدنا عظيمة بشرفائها — وشكراً جزيلاً وزارة الداخلية - احنا مسنودين عليكم والله كتر الف خيركم".
وتابعت:"وبالمناسبة الطرق الجديدة والكاميرات اللي فى كل مكان على الطرق والملصق الالكترونى اكتشفت بالبرهان انهم مش بس علشان يرصدوا مخالفات السرعة الملصق والكاميرات حماية لينا من اي حد ممكن يبلطج — فيه كاميرات بتسجل كل التفاصيل ومفيش اي فرصة لاى بلطجة — بسبب العظمة اللي الطرق بقت عليها الحمد لله تم القبض على العربية باللي كانو فيها فى اقل من اربع ساعات ".
وأضافت:"للاسف كلهم سنهم صغير — الهدف اتحقق انهم هما وغيرهم عرفوا إن مصر اختلفت وكله متسجل وان عندنا عنين صاحية بتحمينا ومحدش فوق القانون — يمكن اخر سطر ده يزعل بعض الناس اللي طلبو منى انى استمر فى القضية — بس حرصاً على امهات واسر المتهمين وانهيارهم بان ولادهم يتسجنوا - انا وابتغاء مرضاة الله تنازلت عن القضية عملاً بمبدأ العفو عند المقدرة — ربنا يهديهم".
وأوضحت:"اللي طلبتو من اهاليهم وهما بيعتذروا لبنتى انهم يربوا عيالهم ويفهموهم معنى الرجولة — وإن اقل عقوبة للمتخرش باللفظ او الاشارات الخادشة للحياة هى خمس سنوات طبقاً لقانون التحرش اللي أمر بتعديله سيادة الرئيس حفاظاً على حق بناتنا — حاجة تانية مهمة مكنتش اعرفها ".
وأكدت أنها لم تتقدم بمحضر قائلة:"انا بالمناسبة معملتش محضر — انا بس كتبت بوست هنا — واللي اتحرك بالنيابة عنى كمواطنة مصرية ادارة الرصد والبيان والتوجيه بمكتب النائب العام — ودى ادارة موجودة مخصوص لمتابعة السوشيال ميديا وبيهتموا بأى مشكلة يكتبها اي مواطن وليهم ارقام تليفون نقدر نتواصل معاهم وهما اللي بيقوموا باخطار النيابات المختصة نيابة عن اى مواطن تعرض لمشكلة".
واختتمت نشوى كاتبه:"وعلى فكرة انا اتنازلت عن الجزء اللي يخصنا لكن حق الدولة مش من حقى اتنازل عنه وهما عندهم مخالفات كتير.. تحيا مصر من كل قلبى".
ويذكر أن أخر أعمال نشوى مصطفى ، مسرحية "عطل فني"بجانب كلا من شيكو، هشام ماجد، أكرم حسني، والعمل منتأليف أمير طعيمة، وإخرج أوتاكا.
