نشوى مصطفى تدعم منة شلبي في أزمتها الأخيرة: ربنا يفك كربك ويجبر خاطرك
حرصت الفنانة نشوى مصطفى على دعم الفنانة منة شلبي، وذلك عقب إخلاء سبيلها فيما نسب إليها من اتهام بحيازة مواد مخدرة.
وكتبت نشوى مصطفى عبر حسابها بموقع التواصل الاجتماعي "فيس بوك": “من حوالي ٢٠ سنة واكتر كنت مرشحة للمشاركة فى بطولة فيلم سنيما - نص رائع شركة انتاج محترمة واخراج عظيم ومجموعة عمل شديدة الموهبة.. كنت فرحانة جدًا لان الدور كان ممكن يقدمني بشكل هايل قعدت اذاكر الدور وأحضر فيه فيه انتظار اوردر التصوير”.
وتابعت نشوى: “فجأة لقيت الفيلم بيتصور ودورى بتعمله زميلة تانية، طبعًا تعبت جدًا نفسيًا جدًا مش علشان معملتش الدور علشان محدش كلمني اعتذر ليا أو بلغنى انهم استغنوا عني.. تصرف انساني بسيط بس كان حيطبطب عليا، انا مااتصلتش بالمنتج ولا الاخراج اطلب منهم دور هما اللي رشحوني وكان واجب يعتذرولي”.
وأضافت: “المهم زميلة واحدة هي اللي كلمتنى وجبرت بخاطري وطبطبت على قلبى قالت لي كان نفسى امثل معاكي لاني كنت هزيد منتهى الطيبة والإنسانية الممثلة دي هى منة شلبى.. ربنا يفك كربك ويجبر خاطرك ويطبطب على قلبك وينجيكي ويسترك”.
القبض على منة شلبي
وكانت أجهزة الأمن بجمارك مطار القاهرة الدولي ألقت القبض على منة شلبي، أمس الجمعة، إثر قدومها من الخارج بتهمة حيازة مواد مخدرة، أثناء إنهاء إجراءات تفتيش الركاب.
وعثرت أجهزة الجمارك على 12 كيسا من نبات الماريجوانا المخدر وزنت 90 جراما بحوزة منة شلبي، وسيجارتين من نفس نوع المخدر، وماكينة طحن ماريجوانا.
.jpeg)