اتهامات بالسرقة بسبب اسم أغنية.. والعسيلي لأمير عيد.. مش هتعمل مشاكل مع صاحبك علي السوشيال ميديا

زادت الأزمة اشتعالا بين الفنانين محمود العسيلي و أمير عيد، بسبب اسم أغنية "دنيا جديدة" والتي تصادف اختيارها في نفس التوقيت وهو ماجعل أمير يخرج علي السوشيال ميديا موجها رسالة للعسيلي قائلا : "انا بحترم عسيلي جدا بس مش عارف هو ليه قال إن أغنية دنيا جديدة بتاعته وقريبا .. دي أغنيتي وأتمنى تطلع أغنية تانية بنفس الاسم".

ومن ناحيته رد العسيلى على اتهام أمير عيد بالسرقة، من خلال تغريدة عبر موقع تويتر اليوم قائلا :" یا أمير .. أنا كمان بحترمك.. و اللي عارفه انك مش ممكن تاخد حاجة مش بتعتك أو تعمل مشاكل مع واحد صاحبك على السوشيال ميديا"

وأضاف العسيلى :" عمومًا بس حابب أعرفك و أعرف جمهورك العظيم إنه مش تشابه أسماء..وإن الأغنية بتاعتي، هو ينفع اروح اصور اغنية مش بتاعتى عموما بالتوفيق يا محترم #دنيا_جديدة "

يذكر أن أغنية اختراع، آخر أعمال محمود العسيلي مع النجم تامر حسني وهي من كلمات: أحمد حسن راؤول، ألحان: أحمد زعيم، توزيع: وسام عبد المنعم.