باسم سمرة: كنا أخوات في كواليس ”العتاولة”.. وأحمد السقا كان هيموتنا

تحدث الفنان باسم سمرة عن كواليس العمل والتعاون مع فنانين كبار مثل أحمد السقا وغيرهم .

وقال باسم سمرة خلال استضافته رفقة أبطال مسلسل العتاولة في برنامج الحكاية مع الإعلامي عمرو أديب المُذاع عبر شاشة قناة "MBC مصر" : "شغلتنا صعبة جدا ومرتبطة بتركيز وإخراج وتصوير وتأليف، وكنا بنشتغل 24 ساعة أو 20 ساعة أحيانًا وما نمناش 24 ساعة علشان لازم نسلم حلقات، ولكن كانت الروح بينا كانت حلوة أوي زي الأخوات ولو حد فينا عنده حاجة عايزة تتظبط التاني كان بيقوله.. زي مصطفى أبو سريع كان أوقات بيقولي افيهات".

وتابع: "أحمد السقا اشتغلت معاه أكتر من مرة، وأحمد خالد موسى كذلك، وأول مرة مع طارق لطفي وبعد يومين بقينا صحاب، وبحب اشتغل وأنا مرتاح مش وأنا متوتر أو أوقلقان، لازم أكون مرتاح واللي حواليا مبسوطين فيحصل إبداع".

وروى باسم سمرة موقفا طريفا مع أحمد السقا كادا أن يموتا بسببه قائلًا: أحمد السقا كان هيموتنا.. كنا قاعدين في لوكاندة في إسكندرية بنصور هناك، وكان فيه عاصفة شديدة اسمها عاصفة السحب وهي نوى سحب اللي في الشارع بيتسحب على البحر، وإحنا في الدور الثامن وأحمد قال عاوز اطلع البلكونة وفتح الباب وخرج ولقيته بيتسحب وطاير من البلكونة وأنا ماسك فيه.

يذكر أن مسلسل "العتاولة" بطولة أحمد السقا، طارق لطفي، باسم سمرة، زينة، صلاح عبدالله، مي كساب، ميمي جمال، فريدة سيف النصر وآخرين. تأليف هشام هلال، وإخراج أحمد خالد موسى، وإنتاج سيدرز آرت برودكشين.