فارق السن بين أسما إبراهيم وزوجها يصدم الجميع!
كشفت الإعلامية أسما إبراهيم مقدمة البرنامج الشهير "حبر سرّي" عن فارق العمر بينها وبين زوجها، وأكدت أنه يكبرها ب 40 عام.
وقالت أسما حلولها ضيفه على بودكاست "مع نور الدين": "اتجوزت وأنا صغيرة جداً كان عندي حوالي 22 سنة، الفرق بيني وبين جوزي كبير، 40 سنة، حسّيت معاه إني لقيت أب لكن أنا دايماً عمري ما شفته بابايا طول الوقت بحس إنه صاحبي الجدع".
وأضافت: "حياتي كانت مقفولة أوي برفض أرتبط وأنا في الجامعة قلقانة من الارتباط مش عارفة ليه لحد ما اتعرّفت على جوزي، حد حسّيت معاه بأسلوبه وبطريقته حسّسك إن تمام وانضم للناس اللي بتدلّعك، أنا كنت بشوف نماذج سيئة حواليا جوازات فاشلة وعلاقات مريضة كان عندي حالة رعب مش عايزة أعيش ده".
أسما إبراهيم تكشف سبب انفصالها عن زوجها
وعن فترة انفصالها عن زوجها وعودتهما مجددا، أوضحت: " إحنا انفصلنا فترة حوالي سنتين ونص أو تلاتة ودخل في حياتي ناس الفترة دي وخرجوا منها وفضل هو اللي موجود أب لولادي وبيحاول يقوم بدور أب ليا والحبيب المخلص والزوج الداعم والصاحب اللي ممكن أحكيله كل حاجة أنا رحت حكيلته أنا ارتبط بفلان".
وتابعت: "وقت ما انفصلنا أنا ارتبطت خطوبة، ولما حكيلته إني ارتبطت قالي جربي وشوفي أنا بس عايزك تكوني مبسوطة لأني أنا وعدتك من أول يوم أن أهم حاجة عندي أنك تكوني مبسوطة جربي وأنا معاكي في أي حاجة".
وأتمت أسما إبراهيم حديثها: أكتر فترة حاسه فيها بأمان دلوقتي، إحنا انفصلنا عشان أنا سمحت لناس تدخل في حياتنا فخربوا البيت، عشان كده لما رجعنا أخدت عهد على نفسي مش عايزة حد يتدخل في حياتي، لما انفصلت أول مرة مكنتش مشهورة لكن دلوقتي مش ذنب جوزي ولا أولادي إني مشهورة"
