عملنا أهم خطوة قبل الجواز.. أروى جودة تفجّر مفاجأة مدوية عن خطيبها
فجرت الفنانة أروى جودة مفاجأة مدوية حول خطيبها الذي يحمل الجنسية الإيطالية.
وقالت أروى جودة خلال لقائها مع منصة "بلينكس":"كان نفسنا الفرح يبقى الشهر اللي فات، بس الورق بياخد وقت. المهم عملنا أهم خطوة وروحنا الأزهر وهو أسلم".
وكشفت أروى عن شكل فستان الزفاف الذي تحلم بيه، قائلة: "أنا إنسانة مزاجية جدا، ممكن أحب حاجات فترة الخمسينات أو السبعينات، أو فستان نانسي عجرم في أغنية لولا عيونك، ده اللي بفكر فيه".
وعن سرّ ارتباطها لأكثر من مرة برجل أجنبي، أوضحت : "فكرة إني ممثلة بتبقى صعبة على عيلة الشخص، ممكن الناس تهزّر معاه بطريقة ممكن الرجل المصري ما يتحملهاش، ومش عايزة حد يحسّسني إنه بيعمل لي خدمة بإنه يكون معايا".
وكانت أروى جودة ظهرت لأول مرة بجانب خطيبها في افتتاح الدورة السابعة من مهرجان الجونة السينمائي الدولي.
وفي لقاء سابق، كشفت أروى جودة عن قصة تعارفها على خطيبها، قائلة: "كان عندي إيفينت في نادي السيارات في باريس وهو اللي كان قاعد في الترابيزة اللي قدامي، وكان بيشتغل وقتها (أمن في الشركة بتاعت المجوهرات)، ووقع فص من خاتم المجوهرات بتاعي وقلبي وقع بعدها، فلقيته جاي وبيطمني، ودي كانت الطريقة اللي خلتنا قدرنا نتكلم مع بعض وابتدى الحوار من هنا".
أخر أعمال أروى جودة
يُذكر أن أخر أعمال أروى جودة مشاركتها في مسلسل "نعمة الأفوكاتو"، الذي عرض خلال موسم رمضان الماضي، وهو بطولة: مي عمر، أحمد زاهر، كمال أبو رية، عماد زيادة، ياسر علي ماهر، ولاء الشريف، أحمد ماجد، محمد الدسوقي، طارق النهري، سامي مغاوري، لبنى ونس، سلوى عثمان، ومن تأليف محمد سامي ومهاب طارق، وإخراج محمد سامي.
