هجوم شرس من عادل عوض على حنان ترك بسبب اعتزالها الفن
تصدر المخرج عادل عوض حديث السوشيال ميديا بعد هجومه الشرس على الفنانة حنان ترك بسبب قرار اعتزالها الفن.
عادل عوض يهاجم حنان ترك
وقال عادل عوض في تصريحات لبرنامج "آخر اليوم" المذاع عبر قناة "هي" من تقديم الإعلامية سارة نخلة :زعلت من اعتزال حنان ترك، أحنا لما بنصنع نجمة، أنا بصنع حته وبعدين بيستلمها مني مخرج آخر يصنع حتة مع منتج آخر مع مصور آخر مع مدير تصوير آخر مع مهندس ديكور آخر مع مذيعات بيستضيفوها ومع المذيعين والقنوات كل هذا يصنع أيقونة ويبقى عندنا حاجة زي سعاد حسني وواحدة زي فاتن حمامة، احنا بنصنعهم فيجي النجم في لحظة يقول بعد كده مش عايز.
وتابع: عارفة كام عامل مش هياكل أو كام فني كاميرا وكام مهندس ديكور وكام حد مش هياكل عشان هى قررت متشتغلش، يبقى الفرصة دي كنا صنعنا شخص تاني.
وأتم تصريحاته: حنان ترك كانت مهوسة شغل أول ما بدأت وهى باليرينا في معهد الباليه وشاطرة جدًا يعني شطان رقص وحاجة نارية وبعدين فجأة لا، لا ليه يبقى ياريتك انتي مجتبش وكنا صنعنا شخص تاني، لأن انتي بتصنعي حد علشان توصليه لفاتن حمامة أو سعاد حسني.
جدير بالذكر أن حنان ترك، أعلنت اعتزالها الفن في شهر أغسطس من عام 2012، حيث أصدرت وقتها بيانا، قالت فيه: "قررت بفضل الله اعتزال التمثيل، ففي اللحظة دي هي الخطوة اللي كنت أتمناها".
