شريف إكرامي: جمال علام أساء لجميع اللاعبين.. ورمضان صبحي لم يخطيء في رموز الأهلي حتى يمنع من العودة

علق شريف إكرامي حارس مرمى بيراميدز، على أزمة زميله في الفريق وزوج شقيقته مع المنشطات والتي و سبق وأعلن جمال علام رئيس اتحاد الكرة عن إيجابية عينته.

وقال شريف إكرامي في تصريحات تلفزيونية عبر قناة اون تايم سبورتس، إن جمال علام تحدث في ملف محظور عليه الحديث به وفقا للوائح الدولية المتعارف عليها.

وأكد حارس بيراميدز أن جمال علام أساء لجميع لاعبي كرة القدم المصرية بعد تشهيره بلاعب والإضرار به وبقيمته التسويقية خاصة وأنه ليس من حقه الحديث عن هذه الأمور الخاصة بعينة منشطات رمضان صبحي.

وعن إمكانيه عوده رمضان صبحي للنادي الأهلي من جديد، أوضح: رمضان مطلعش في فيديوهات بيغلط فيها في رموز الاهلي و اهانهم و لا له فيديوهات مع الفريق المنافس عشان يطلع يعتذر .. عشان كدة متقوليش هو بيخالف مبادئ و قيم الاهلي .

وتابع: هتقولي رمضان ميرجعش الاهلي عشان الجمهور زعلان عشان اختياره هقولك ماشي ، هتقولي رمضان مش هيرجع الاهلي عشان كبرياء مسؤليه مش هخليهم يتفاوضوا معاه تاني هوافقك .

وأضاف: انما تقولي رمضان مش هيرجع الاهلي عشان قيم ومبادئ النادي الاهلي فهقولك انت كدا بتنتقد نفسك و بتكيل بمكيالين اصل مش لو لصالحك تقولي دا احتراف ولو الموضوع ضدك تقولي قيم ومبادئ دا كلام ميدخلش العقل .