الأموال
الأربعاء، 24 أبريل 2024 09:03 مـ
  • hdb
15 شوال 1445
24 أبريل 2024
بنك القاهرة
CIB
الأموال

رئيس مجلس الإدارة ورئيس التحريرماجد علي

فنون

مها أحمد: مغلطتش في السقا وكرارة عشان أعتذر لهم .. ورفعه على فادي خفاجة 4 قضايا

مها أحمد
مها أحمد

تحدثت الفنانة مها أحمد عن أزمة غضبها من الفنان أحمد السقا و الفنان أمير كرارة أثناء عرض مسلسل نسل الأغراب، وذلك خلال حلولها ضيفة على برنامج أسرار والتي تقدمه الإعلامية أميرة بدر على شاشة قناة النهار وعدد من القنوات الفضائية الاخرى.

وقالت: "الغضب مخسرنيش السقا وكرارة، ومقصدش ازعل أحمد وأمير، وساعتها مقللتش منهم، والسقا اخويا ولو شاف حاجة معجبتوش فيا بيقولي".

وتابعت: " لكني غلطت إني عاتبت على السوشيال ميديا، أيامها مكنش عندي دراية بقوة وجبروت السوشيال ميديا وموضوع التريند، وكنت بعيدة عن السوشيال ميديا، ولما لقيت الناس عاملة اكونتات فيك قلت لا اعمل اكونت خاص ليا، وقلت أقعد افضفض مع نفسي عالسوشيال، نمت صحيت لقيت الدنيا مقلوبة عليا، واكتشفت ان في ناس في السوشيال بتكرهك اكتر ما بتحبك".

وأضافت: "كبريائي معملتش حاجة تستاهل اني اعتذر لكرارة والسقا، ومجدي عاتبني وقالي كنتي قلتيلي او فضفضتي معايا الأول، وكان ممكن اشيل البوست اللي عملته لكن لقيت في توابع فيها تطاول، فا قلت مش هشيله، كل الفنانيين كانوا محايدين حتى النقابة".

وواصلت: " في فنانات ومذيعات مرتزقة كتبوا شكر للسقا وكرارة، على اساس اني بنت البطة السودة، واللي فرق معايا 3 أشخاص، واحدة قعدت تشكر ف المسلسل وبعدها كلمتني ، والتانية معروف انها صاحبتي وفجأة لقيتها كاتبة بوست طويل عريض بتشكر في تربيتهم، والناس في الكومنتات بتقلها طب وصاحبتك؟، وانا معاتبش حد بالعكس هسيبه على عماه".

و عن مشاكلها مع الفنان فادي خفاجة، أوضحت: "فادي خفاجة حاسدني ومازال حاسدني، حقي هاخده بالقانون، رفعت عليه 4 قواضي، ومنها سب وقذف، وانتهاك خصوصية، وتحرش على مستوى السوشيال ميديا، جوزي رفع عليه قضية لأنه جاب سيرته، وغير اني هرفع قضية على منصة التيك توك، وهي مضمونة وأكسبها وأنا مغمضة لأنه حقي وعندنا قانون وقضاء عادل هيجيبلي حقي بالقانون".

مصر للطيران
مها أحمد فادي خفاجة احمد السقا أمير كرارة

آخر الأخبار

بنك الاسكان
NBE