سالي عبد السلام تكشف تعرضها للسحر الأسود.. (فيديو)

كشفت الإعلامية سالي عبد السلام عن تعرضها للسحر، وذلك بعد عثورها على أشياء غريبة أمام منزلها.

وفي فيديو نشرته عبر حسابها على موقع التواصل الاجتماعي "فيس بوك"، قالت فيه: حصل حاجة غريبة النهاردة بقالها فترة بتحصل عندنا في البيت، أنا معرفش مين عارف عنوانا ومعرفش مين بيعمل كدا ومعرفش دا ايه غير أننا طلعت في جوجل طلع أن دا معناه سحر وسحر أسود فأنا مش فاهمة في ايه، أنا لسه مقولتش لأهلي بس لو حد يعرف يساعدني أو حد يعرف يقولي دا ايه يساعدني.

وتابعت: أنا خلاص عطلت وكل مرة بلاقي حاجة زي دي عند عتبة البيت، مرة لقيت قطة متكسر عضمها وفي بوقها ورقة وغريبة ميتة بقالها كتير، والنهاردة وأنا نازلة الهوا والله العظيم كتفي منمل وعندي صداع ومش فاهمة في ايه لقيت كيس في حيوانات منوية ومرمي قدام الباب جوا بيت العيلة، فأنا عايزة اعرف دا ايه.

وكتبت سالي معلقه على الفيديو: ده فعلا زى ما طلع لي على جوجل إنه سحر معمول.. ومش أول مرة حد ييجى يرمي حاجة غريبة في المدخل على السلم نفسه جوا قدام البيت.. فيه حد يعرف يقولي ده ايه ويساعد؟ أنا بجد تعبت وزهقت وبيحصل بعدها مشاكل كتير أو حد يبقى عيان جدا فى البيت.. فيه حاجة بتتعمل سحر كدة أصلا؟