ريهام سعيد تحكي تفاصيل فشل عملية التجميل و تشوه وجهها: بقيت زي الشيطان
حكت الإعلامية ريهام سعيد، تفاصيل الأزمة الأخيرة التي تعرضت لها مؤخرًا، إذ تعرض وجهها للتشوه بسبب عملية تجميل على يد طبيب التجميل اللبناني نادر صعب.
وقالت ريهام سعيد خلال مقطع فيديو نشرته عبر حسابها الرسمي بموقع التواصل الاجتماعي انستجرام:"مساء الخير، الحقيقة عمري ما طلعت لايف إنستجرام، بس أنا مصممة أن أى حد يغلط يتحاسب، واللي بيحصل ده مش حاجة حلوة أن حد مشهور يطلعها لنفسه، أكيد مش حاجة لطيفة أبدا إني أطلع مشوها".
وتابعت:" أنا طلعت النهاردة من غير فلتر ولا ماكياج علشان أوريكوا العملية اللي الدكتور بيقول إنه راضي عن نتيجتها، هل دا شكلي؟ هل الطبيب دا مغيرش هويتي أنا علشان أخرج من مطار بيروت احتجت وثيقة تثبت إن أنا اللي في الباسبور لأنه غير شكلي دي أكبر جريمة إنك تخليني أبص في المرايا معرفش نفسي".
وأضافت:" الدكتور بعد ما العملية باظت عمل فيلر في وشي على الحفر اللي ظهرت بعد العملية الفاشلة في وشي بعد ما بوظلي شكلي، وعملي خطوط زي الشيطان، وعمل لي خياطة تحت العين ودي جريمة، وحاجبي زي الشيطان عشان كده عملت تاتوه ومسحت الحاجب وعدلته، عندي صور كتير بعتهاله وأقوله الورم دا حرقتني، وعيني متشعلقة فوق وجعاني عايزاها تنزل كدا تعباني".
وفيديو أخر، قالت ريهام سعيد: حقيقي أنا مستفزة جدا من الناس اللي بتكلمني بتقولي علقي.. أعلق على ايه ولا ايه، على حصل في وشي العيب اللي عملت عشانة العملية لسه موجود بس زيادة عن ده طلع كرمشة على وشي وخطوط غريبة جنب عيني.
وواصلت: أنا عايزة بس أقول حاجة بسيطة جدا للناس، أنا حقي هاخده بالقانون من الدكتور.. أنا عيني باظت.. وعيني اللي بتلف لوحدها دي عندي بيها مستندات، شوفتوا وشي بقى عامل إزاي.. شوفتوا عمليات التجميل حلوة إزاي.. ضحكتي بقت من هنا لهنا، أنا مش عارفة إزاي أنت (الطبيب) بتتكلم ولا بترد إزاي.
واستطردت: نزل فيديوهات زي ما أنت عايز، وأنا عشان ست محترمة لحد دلوقتي مش عايزة أرد.. أنا بتكلم بس عشان هو منزل صورة بشكلي قبل وبعد العملية ليه مش عارفة.. أنا مجبتش سيرتك إزاي بتقول هترفع قضية أنت اللي ترفع ولا أنا؟
وكانت ريهام سعيد شاركت صورتها قبل وبعد عملية التجميل عبر حسابها على انستجرام، وكتبت : "يعني انت مجرم لدرجه انك شوهتني و عرفت انك موت ناس قبلي و بتحط صوره لواحده مش انا خالص و تقول انها انا ".
وتابعت:"انا كنت زي القمر قبل ما اجي للك حد عمره شافني شكلي كده، عارف انت لازم تبطل اذيه للناس لازم انا بحذر كل الناس منه.. انا هاطلع لايف من غير فلتر اوري الناس انت عملت ايه، رايح العراق.. بعد ما انفضحت في لبنام تبوظ الناس هناك ؟".
وعلى صعيد أخر، أعلنت ريهام سعيد انضمامها لقناة هي بعد فسخ تعاقدها مع قناة الشمس، لتبدأ برنامج صبايا الخيرعلى الهواء مباشرة بعد أن كان اسمه السابق صبايا الشمس على قناة الشمس.
