حورية فرغلي تشن هجوما حادًا على طليقة حسن شاكوش: لو جبتي سيرتي تاني مش هتتخيلي اللي هعمله فيكي

هاجمت الفنانة حورية فرغلي طليقة مطرب المهرجانات حسن شاكوش "ريم طارق" بعد تلميحها بأنها على علاقة به ورفضها الاعتذار عن هذا التلميح.

وقالت حورية في فيديو عبر حسابها الرسمي بموقع تبادل الصور والفيديوهات انستجرام: الموضوع بقاله فترة بس مضايقني وقررت اني أشهدكم وأشارككم الحقيقة عشان لو انا غلطانة.. أنا كنت ساكتة ومبردش عشان انا أكبر بكتير من كدة والموضوع زاد عن حده وبقى أوفر.

وتابعت: "الأستاذة ريم طارق طليقة الفنان حسن شاكوش اللي أنا معرفهاش خالص ولا عمري شوفتها، اتقال اسم حورية وثالث حرف (ر) الناس سابت كل الأسامي ومسكت في حورية سكت ومتكلمتش خالص، إنما يجيلك الجرأة أنك تنزلي أن الفنانة حورية فرغلي تكشف عن اسم الفتاة اللي كانت مع شاكوش لغاية هنا بقا واستوب".

وأضافت: انتي عايزة تريند وتجيبي اسمي وخلاص عشان تطلعي تريند، سكتلك أول مرة لكن تطلعي تقولي اني عارفة حسن شاكوش كان بيخونك على مين ده اللي ميتسكتش عليه، هو أنا هعرف منين هو على علاقة بمين؟

واختتمت حورية حديثها: أنا معرفكيش عشان تجيبي اسمي في أي حاجة وأنا أكبر من الفيلم الهندي اللي عملتيه بكتير ولو جبتي سيرتي تاني مش هتتخيلي هيحصل فيكي واللي هعمله فيكي مش هتستحمليه وهرفع عليكي قضية تشهير.

آخر أعمال حورية فرغلي

يذكر أن آخر أعمال حورية فرغلي، مسلسل "أيام" وعُرض العمل عام 2021، وضم المسلسل الكثير من النجوم أبرزهم، شيري عادل، أحمد صفوت، لقاء سويدان، رياض الخولي، سلوى الخطاب، وغيرهم من الفنانين، والعمل من تأليف سماح الحريري وإخراج محمد أسامة، وعرض العمل على إحدى المنصات الإلكترونية.