” أثرت على دماغي”.. حنان يوسف تكشف معاناتها مع شخصية ”أم جابر” في ”سفاح الجيزة”
كشفت الفنانة القديرة حنان يوسف عن صعوبة تجسيد شخصية ”أم جابر” في مسلسل ”سفاح الجيزة”، مشيرا إلى انها أثرت عليها كثيرا ولا تستطيع الخروج منها بسهولة.
وأضافت حنان يوسف خلال لقائها في برنامج "القاهرة اليوم: "الشخصيات زي دي لازم تتقمص، ممكن أعمل شخصيات غير دي من غير ما أتقمص، لكن دي من الشخصيات اللي لازم أبقى أنا هي علشان هتضحك إزاي هتمشي إزاي تفاصيل كتير لازم أبلعها وأطلعها ودا صعوبتها لأنها أثرت على دماغي جامد".
وتابعت حنان يوسف: "حصلتلي مرة قبل كده في "الطوق والأسورة" شخصية "الحدادة" قعدت فترة طويلة في الشخصية مش بطلع منها لما العمل يخلص، مرة كنت بعمل فيلم من إخراج بشير الديك وقالي إنتي مش الحدادة، شخصية "أم جابر" دي عملت فيا كده".
مسلسل سفاح الجيزة
مسلسل "سفاح الجيزة" مكون من 8 حلقات وأحداثه مستوحاة من قصة حقيقية و يشارك في بطولته كلا من : أحمد فهمي و باسم سمرة و راكين سعد و ميمي جمال و حنان يوسف و صلاح عبد الله وآخرين، وهو من تأليف إنجي أبو السعود وعماد مطر وإخراج هادي الباجوري، ويعرض كل خميس في تمام الساعة 12 بعد منتصف الليل، على منصة شاهد الرقمية.
