حسن شاكوش عن سجود زوجته في زفافهما : مش عيب.. و مفيش بين راجل ومراته كرامة
علق مغني المهرجانات حسن شاكوش، عن التصرف العفوي الذي قامت به زوجته "ريم طارق" ، بعد سجودها في حفل زفافهما .
وقال حسن شاكوش خلال لقائه في برنامج العرافة الذي يعرض عبر قناة المحور: مراتي مش بتسجد ليا واللي عايز يسجد لأي حد يسجد وأنا متوقعتش من ريم أن هي تعمل كده وهي ممكن تكون في دعوة بينها وبين ربنا وشيفاني عوض ليها وإني الإنسان اللي هي بتتمناه
وتابع: حسيت بإحساس حلو جدًا لما مراتت سجدت لربنا عشان اتجوزتني و ده مش عيب وبين اي راجل ومراته مفيش حاجه اسمها كرامة.
وأتم: مراتي ست متفاهمة وقريبة من ربنا ومش بتسيب فرض ومش بتاخد كل حاجة بعصبية وملهاش في الشو والإعلام وعارفة طبعي وهي بنت منطقتي.
يذكر أن لقطة سجود زوجه حسن شاكوش في زفافهما، شهدت ضجه كبيرة على السوشيال ميديا، وعلقت "ريم" على هذة الضجة قائلة: دي حاجة بقى بعيدًا عن السوشيال ميديا.. مفيش حد هيضحك على ربنا، أنا كنت واخدة عهد على نفسي أني لما أخل في الفيرست لوك لازم أسجد وأشكر ربنا أن هو عوضني، وحسن أحسن واحد في الدنيا في عيوني.
