”عايزه تعمل دنيا سمير غانم في نفسها”.. انتقادات لـ”ليلى أحمد زاهر” بعد طرح أولى أعمالها الغنائية
تعرضت الفنانة ليلى أحمد زاهر لهجوم وانتقادات حادة من الجمهور بعد طرحها أولى أعمالها الغنائية التي اتت بعنوان "كلمة أخيرة".
أغنية كلمة أخيرة، هي من كلمات محمد حسن، ومن ألحان وتوزيع إسلام زكي.
تعليقات الجمهور على أغنية ليلى أحمد زاهر
وانهالت تعليقات الجمهور على فيديو أغنية "كلمة أخيرة" واتهم البعض ليلى أحمد زاهر بتقليد الفنانة دنيا سمير غانم وجاءت التعليقات كالتالى: "مش عارفه التمثيل قصر معاها في حاجه لا لازم اغني وتسمعوني بالعافيه زي ما بمثل بالعافيه"، "جماعه ده في كميه فلاتر وتعديلات باينه جدا ف صوتها..هى ناجحه فالتمثيل ما شاء الله ..لكن اعتقد فى اصوات احق منها بالاغنيه دى تستاهل الشهرة"، "مصطنعه جدا وافر وعايزه تعمل دنيا سمير غانم في نفسها وبتقلدها اووي".
المنتج بيستغلك ومش هتتقارني بـ دنيا سمير غانم
بينما علق آخر: متخليش المنتج إللي بيحارب دنيا بيكي يستغلك وإنتي مش واخده بالك ولا آنتي تتقارني بدنيا ولا هو أصلا يقدر يحاربها ولا هو أصلا حيحتفظ بيكي آنتي وسيله انتقام مش آكتر متقلليش من نفسك آنتي بنت فنان محترم وكبير وإنتي أصلا موهوبه في التمثيل آنتي مش محتاجه ده ابعدي عن المنتج ده إللي حيخسرك كتير دنيا موقعتش من غيره لانها أصلا عملت إسم ولها شعبيه كبيره ورصيد كبير عند الناس وفي الاصل والدها ووالدتها الله يرحمهم كمان انما آنتي لسه معملتيش كتير لأنك لسه صغيره دي نصيحه لوجه الله متنتهيش من قبل ما تبتدي عشان أحقاد ونفوس مريضه وإنتي أصلا مجرد وسيله ليهم خليكي أكبر من كده احتراما لتاريخ والدك هو فنان محترم وله تاريخ فني مشرف وإنتي ممثله شاطره والغنا مش مجالك.
أخر أعمال ليلى أحمد زاهر
يذكر أن أخر أعمال ليلى أحمد زاهر مسلسل "في بيتنا روبوت 2" الذي شاركت في بطولته إلى جانب هشام جمال، شيماء سيف، عمرو وهبة، دنيا ماهر، طه دسوقى، دنيا سامى، مى دياب، شروق أيمن، نيللى محمود، إياد أمين، والطفل عمر أسامة، وظهور خاص للفنان عماد رشاد، وعدد من ضيوف الشرف منهم شيرى عادل والعمل فكرة أحمد محيي وأحمد المحمدى وسيناريو وحوار عمرو وهبة وإخراج أسامة عرابي.
