منى زكي: أنا أم حازمة في البيت ..وحلمي كذاب
كشفت الفنانة منى زكي عن علاقتها بأسرتها ، خلال لقائها مع الإعلامية منى الشاذلي في “معكم”، على قناة "سي بي سي".
وقالت منى: “أنا أم حازمة في البيت، وأولادي بيعملوا اللي بطلبه منهم، لكن مبيعملوش الحاجة اللي تخصهم، ما عدا الأخراني مش عارفة أعمل عليه كونترول خالص، وتلات أطفال كفاية عليا، ليجيلي صدمة عصبية”.
علقت منى على الفيديو نشره زوجها الفنان أحمد حلمي، عن معاناته مع "الكيك"، قائلة: "أنا مشوفتش الفيديو ده لأني كنت هنا عندك بنصور البرنامج، أنا لما بسيب البيت معرفش بيعمل إيه.. ببقى قلقانة الصراحة.
وتابعت: "معرفش إية كمية إهدار الموارد، الدقيق والسكر والشكولاتة دي، حلمي مبيعرفش يعمل غير سد الحنك اللي في مرة عملها وصورها.. ده مبيعرفش يسلق بيضة حتى.. وكل اللي قالوه عن إنه كويس في المطبخ.. كذب طبعا".
ويذكر ان منى زكي عادت إلى السينما بعد غياب 3 سنوات بفيلم "الصندوق الأسود" من إنتاج سينرجى وأفلام مصر العالمية، ونيو سينشرى و تأليف أحمد وهيثم الدهان وإخراج محمود كامل، وبطولة محمد فراج ومصطفى خاطر.
