بالصور... فريق طبى مصرى ينجح فى إعادة يد مبتورة بالكامل لشاب

نجح فريق طبى بمستشفى "سيد جلال" بباب الشعرية بإعادة يد مبتورة بالكامل لأحد الشباب بعد عملية استغرقت نحو 12 ساعة

كشف الدكتور جمال شعبان ، عميد معهد القلب السابق، عن حدوث معجزة طبية على أيد أطباء طب الازهر بنجاحهم فى إعادة يد مبتورة كاملا لأحد الشباب، قائلا" عاشت جامعة الازهر العريقة وكلية طب الأزهر الرائدة عاش أطباء مصر..المعجزة حصلت في أوضة العمليات… والإيد رجعت والحمد الله !" بعد جراحة استغرقت ما يقرب من 12 ساعة متواصلة"

وكشف عميد معهد القلب الستبق عن تفاصيل المعجرة، والتى بدأت بتعرض شاب لحادث مروع اسفرت على قطع يده بالكامل من عند الرسغ، وفى هذه اللحظة الفارقة تدخل قسم جراحة التجميل – كلية طب الأزهر، الذى "ما بيعرفوش كلمة مستحيل" على حد تعبيره

واضاف جمال شعبان ان فريق جراحة التجميل بالأزهر دخلوا في سباق مع الزمن، و الحاله تم حجزها ودخلت علي عمليات الطوارئ في أقل من نص ساعة وتم إجراء عملية دقيقة جدا، استطاعوا فيها توصيل شرايين، أوردة، أعصاب، أوتار، عضلات بإتقان، "وكأن الإيد عمرها ما اتقطعت" كما وصف

وقال شعبان " وبفضل الله، وبإيدين أطباء مخلصين، وتحت توجيهات أساتذة عظماء، رجعوا الحياة لإيد كانت انتهت…رجعوا الإحساس، والحركة، والأمل.دي مش قصة خيالية… دي قصة حقيقية من قلب مستشفى سيد جلال بطب الأزهر..وهتفضل علامة من ضمن علامات كتير في تاريخ القسم ، ودليل على اللي قدر أطباء من مصر في طب الأزهر يوصلوا له بإذن الله"

واضاف شعبان " دي مش مجرد عملية…دي حياة رجع ليها الأمل والشكر موصول حقيقي لاصحاب الفضل اللي بيتعلموا ولسه بيتعلموا علي ايديهم ، باقة من أكبر أساتذة جراحة التجميل في مصر والوطن العربي"

وتوجه شعبان بالشكر الى جامعة الازهر و اعضاء فريق التجميل الذى اجرى العملية باتقان، و فريق التمريض الذى سهر لمتابعة الحالة قبل وبعد إجراء هذه العملية الدقيقة، قائلا"وشكر خاص حقيقي للناس اللي تعبت وسهرت وبفضل الله ربنا اعانهم وكانوا سبب في إعادة الامل، وشكر خاص لإدارة مستشفيات جامعة الأزهر اللي وقفوا بجانب الحالة لحظة بلحظة ووفروا جميع التسهيلات عشان الحالة تتحجز وتتلقي الرعايه الصحية"