هنا الزاهد: منزلتش دمعة بعد انفصالي.. ومش أي حد تدخليه بيتك
تحدث الفنانة هنا الزاهد عن الأسباب وراء طلاقها من الفنان أحمد فهمي، وكيف مرت عليها تلك المرحلة.
وقالت هنا الزاهد: خلال حوارها مع الإعلامية إسعاد يونس في برنامج صاحبة السعادة : مكنتش اتخيل ان في حاجة اسمها طلاق، ربنا عارف اني مقدرش اتحملها جبهالي تمهيديا قبلها بـ 8 شهور لو كان حصل مرة واحده كنت هتعب اوي.
وتابعت: أنا حساسة اوي و روتينية مبعرفش حاجة تتغير فجأة، بحس إني ساذجة أوي لازم اتخبط جامد عشان اختار وأركز بعد كده، رسمت في دماغي فراشات وعائلة وبحب الأطفال جدًا لكن الواقع مكنش كده خالص كان عكس .
وأضافت: كل حاجه بحلم بيها والحياة مش كلها حلوة ومش اي حد تأمنيله أوي وتدخليه بيتك، دايما بتخيل اللي قدامي هيفكر زيي لحد ما يثبت العكس، الجواز مش راجل وست بس اتعلمت اني لازم ابص للعائلة.
وواصلت: أنا بعد الطلاق كانت أصعب فترة عليا لكن منزلتش دمعة، لما تحسي موضوع انتهى وبقى حاجة قديمة وتعالي أعالج هنا، وقعدت أركز مع نفسي وروحت قعدت مع أهلي عشان مكونش لوحدي ومكنتش بفكر ودايمًا راضية بأقدار ربنا وعارفة إنه في النهاية نصيب.
ووجهت هنا نصيحة للبنات من خلال تجربة انفصالها، قائلة: عايزة أقول لأي بنت بتمر بحاجة زي كده أهم حاجة متبقيش لوحدك، خليكي مع عيلتك لإن عيلتك هتديكي الدعم.
على الجانب الأخر، بدأت هنا الزاهد التحضيرات لمسلسلها الجديد "الزواج سم قاتل"الذي تخوض به دراما رمضان المقبل 2025، وتخرجه ياسمين أحمد كامل وتنتجه شركة ميديا هب - سعدي وجوهر.
