مشاكلنا صعبة.. أول تعليق من خطيبة مسلم على فسخ خطوبتهما

علقت يارا تامر على خبر إنفصالها من مطرب المهرجانات مسلم عبر حسابها الرسمي على موقع التواصل الأجتماعي.

وكتبت يارا عبر خاصية القصص القصيرة بحسابها: عايزة اقول حاجة صغيرة ممكن تكون مش مهمة لبعض الناس لكن لازم أعلن دا تم فسخ خطوبتي من مسلم للمرة الأخيرة احنا حاولنا كتير لكن مفيش نصيب ولا تفاهم بنا هو شخص كويس ومحترم وكل حاجة وربنا يكرمه في حياته لكن مشاكلنا صعبة وتفكيرنا بعيد عن بعض مهما حاولنا.

وكان مسلم، أعلن انفصاله عن خطيبته يارا تامر، للمرة الثالثة ، كاتبًا عبر خاصية ستوري بحسابه على موقع "أنستجرام": "محتاج أقول حاجة يمكن مش هتكون مهمة قوي للناس دلوقتي لأن حاسس أن الناس زهقت من الموضوع ده، بس حبيت أوضح علشان رضيت ضميري قدام ربنا".

وتابع: "تم فسخ خطوبتي من يارا تامر وأتمنى لي حياة جميلة ونجاح واستمرار لأن حاولنا كتير وأنا خسرت كتير قوي من حياتي ووقتي قصاد التجربة دي وفشلت".

وأتم: "الحمد لله بحمد ربنا أنه بين لي كل حاجة تخليني أبقى في حالي، وأسف لنفسي مرة تانية والمرة دي بجد اتعلمت الدرس شكرا المرة دي اتقفل الموضوع نهائي".