إلهام شاهين: مشروع أرشيف الفنانين هيحافظ على تراث الفن المصري

دعمت الفنانة إلهام شاهين فكرة مشروع أرشيف الفنانين، مشيرا إلى أنه هام للغاية للحفاظ على تاريخ النجوم من أعمال فنية وانجازات.

قالت إلهام شاهين في مداخلة هاتفية ببرنامج"مصر جديدة" عبر ETC: أرشيف الفنانين حاجة مهمة بشكل عام وبشكل خاص لكل فنان، في وقت هييجي هنفتكر ايه ولا ايه.

وتابعت: أنا بشتغل بقالي اربعين سنة، هفتكر ايه ولا ايه؟ عديت ال١٠٠ فيلم وأكتر من ٥٠ مسلسل ومسرحيات كتير حتى لما جيت أتكرم في مهرجان المسرح قلتلهم أنا عاملة ٨ مسرحيات مشتغلتش كتير قوي. لقيت إن أنا اتعمل عني كتاب وأنا عاملة ٢٥ مسرحية.

وأضافت: في مسرحيات معمولة للتلفزيون بعد عرضها أسبوعين فقط وانا نسيتها رغم انها أعمال مهمة جدا من الأدب العالمي، بنسى خدت كام جايزة واتكرمت في دول ايه.

واتمت حديثها: اللي عايز يعمل قصة حياة فنان ممكن يخش على الموقع دة يعرف كل حاجة لحد ما مات لأنه بيحافظ على تراث الفن المصري وكل ما يقدم في الفن المصري موجود عندنا محتفظين بيه، كمان دة بيوضح شخصية الفنان واراءه اختلفت ازاي على مدار السنين.

أخر أعمال إلهام شاهين

يذكر أن أخر أعمال إلهام شاهين، مسلسل ألفريدو والذي تعاون فيه مع أحمد فهمي، ندى موسى، أمير شاهين، وغيرهم من النجوم، وهو من تأليف عمرو محمود ياسين، ومن إخراج عصام نصار.