سلمى أبو ضيف: لحد دلوقتي مش مستوعبه نجاح ”أعلى نسبة مشاهدة”

عبرت الفنانة سلمى أبو ضيف عن سعادتها بنجاح مسلسلها الرمضاني "أعلى نسبة مشاهدة" ، خلال لقائها مع برنامج ET بالعربي، مُشيرا أنها لم تستوعب حتى الأن نجاحه.

وقالت سلمى أبو ضيف : أنا لسه مش مستوعبة أوي نجاح أعلى نسبة مشاهدة، لكني مبسوطة، وكل الأدوار اللي كانت بتيجي قبل كده كان بيعجبني فيها الشخصية، والموضوع كان صعب علشان أفرق بين شخصية والتانية، والسنة اللي فاتت كان خطوة كويسة أعمل دور بنت صعيدية.

وتابعت:كان نفسي أعمل بنت شعبية، ولما جاتلي الفرصة السنة دي والسنة اللي فاتت عملت حاجة مختلفة عني في المداح، والناس صدقتها، وده إداني ثقة إني لما أدي مجهودي في الشخصية مع توجيهات مخرج شاطر بيطلع حاجة كويسة.

وعن علاقتها بليلى أحمد زاهر، قالت: "ليلى أختي الصغيرة في الحقيقة نفس سن أخويا الصغير هي موهوبة وشقية ودمها خفيف في الكواليس".

وردا على ظهورها في المسلسل بدون مكياج : " أنا ظهرت في أعمال كثيرة من غير مكياج، والمخرجة أستاذة ياسمين طلبت مننا ده، إحنا صورنا في أماكن حقيقية مش ديكورات في بيت أثري في الحطابة، وكان في بنت اسمها "مي" كانت بتساعدنا".

يذكر أن مسلسل "أعلى نسبة مشاهدة" عرض في النصف الأول من شهر رمضان 2024، وهو بطولة سلمى أبو ضيف، ليلى أحمد زاهر، فرح يوسف، جلا هشام، إنتصار، محمد محمود، أحمد فهيم، إسلام إبراهيم، وآخرين، والعمل من تأليف سمر طاهر، وإخراج ياسمين أحمد كامل.