”بيئة جدا”.. هشام عاشور يعلق على تصريحات باسم سمرة في ”رامز جاب من الأخر”
علق الفنان هشام عاشور على تصريحات الفنان باسم سمرة التي أدلى بها خلال استضافته في الحلقة الأولى من برنامج "رامز جاب من الآخر".
وكان باسم سمرة خلال حلوله ضيفا في برنامج "رامز جاب من الآخر"، قال: "كان فيه دور وأنا كنت فرحان أوي إن إحنا هنشتغل راحت نيللي جايبة جوزها"، ليعقب رامر: "وجوزها بيمثل ليه أصلا"، وهو ما رد عليه باسم بقوله: "بتاع إسكواش".
ورد هشام عاشور في فيديو عبر حسابه بموقع انستجرام على تلك التصريحات، قائلا: أنا عارف ان الناس كلها عمالة تبعت والناس كلها بتحب الأكشن، تموت وتتفرج على اتنين بيموتوا بعض، عشان أرد بس على القصة بتاعت أستاذ باسم سمرة، دا رجل ممثل محترف ورجل لطيف جدا وقلبه أبيض، وجدع وأنا عن نفسي بحبه جدا، وأتمنى أشتغل معه في يوم من الأيام".
وتابع: هو من الآخر اتاخد على خوانة، التاني قاله أنا أخوك، أنا حبيبك تعالى بس نقعد مع بعض، واحنا خارج التسجيل، وهشام عاشور ونيللي كريم، والتاني بيعلي الإفيه بكلمتين ساعات وانت دمك خفيف بتعلي الإفيه عادي يعني، وصورها ونزلها، تخيل أنا قاعد مع أخويا بنتكلم عن ابن خالتي، أو حد قريب مننا وبنقول مثلا دا مراته كذا دا حصل كذا، عادي بنتكلم في موضوع بتحصل يعني، يقوم مصورني أخويا ومنزلها في كل حتة ومخلي منظري وحش.
وأتم: يعني بصراحة قمةـ مش عارف أقول ايه بيئة جدا وصفيقة جدا، ورخيصة جدا، الله يكون في عونك يا معلم، يعني هو دا الضحك هتجيب فلوس كدة؟ الدم الخفيف مفهوم، يعني دا لا دم خفيف ولا لذاذة، معرفش، الله يكون في عونك وزعلان منك.
