” قلة ذوق إنك تهذق فنان”.. هشام إسماعيل يكشف عن رأيه في برامج مقالب رمضان

كشف الفنان هشام إسماعيل، عن رأيه في برامج المقالب التي تعرض خلال شهر رمضان.

قال هشام إسماعيل خلال مشاركته في بودكاست حكايتي من تقديم أمجد الغنيمي: "اتعرض عليا من برنامج مقالب غير رامز، قالولي إنه برنامج مقالب قلتله لو مصطنع مش هعرف أمثله، ولو مش قايلي من الأول ممكن أبقى ألطف وبرضه ممكن أبوظ البرنامج لو انت مش قايلي".

وتابع: " أنا ضد إهانة الفنان والإنسان لأن لو واحد بيقدملي دور بشوفه شايل رسالة بيقولها، فلو انت مبتقولهاش وانت لك قدرك واحترامك وفي إطار التمثيل، اتضرب واتبهدل براحتك في العمل الفني لكن خارجه باسمك الحقيقي وتهان، أنا ضد دة جدا وبيصعب عليا ".

وأضاف: "بتضايق برضه من المواطن اللي بيحتفي بالفكرة. عذبوهم.. إنهم فنانون! لا دي قلة ذوق إنك تهذق فنان أو إنسان في العموم".

وعلى الجانب الأخر، يعيش هشام إسماعيل حالة من النشاط الفني في شهر رمضان الجاري حيث يشارك في 4 مسلسلات وهم "عتبات البهجة" و"كوبرا" و"لانش بوكس" و"الكبير أوي ج7" و"صدفة".