أحمد حلمي عن أول قصة حب في حياته: حبيت خالة واحد صحبي وانا عندي 6 سنين
كشف الفنان أحمد حلمي، عن أول حب بحياته، وذلك خلال حلوله ضيفا على برنامج AB TALKS الذي يقدمه الإعلامي أنس بوخش على قناته الرسمية بموقع الفيديوهات الشهير يوتيوب.
قال أحمد حلمي :"حبيت مرة خالة واحد صحبي وأنا ست سنين، وعشت في دور ازاي أقوله، وجو خيانة الأصدقاء".
وعن أصعب أوقات في طفولته قال: "في جزء كبير من طفولتي نسيته لكن فاكر بداية من الإعدادي وافتكر لما ببايا ضربني بالقلم دي كانت لحظة مؤثرة، كمان خالي كان بيربي حمام وأنواع غالية وانا دخلت وفتحت البلكونة وطيرت الحمام وراح خالي اشتكى لوالدي وانا ببايا كان ممكن يجي على نفسه علشان الناس".
وتابع: "وانا كذبت على والدي وقلت أن اخويا هو اللي طير الحمام وطبعا اتعرف اني كداب وضربني واتصدمت لأنه ضربني وكانت المفارقة أن الحمام طلع بيرجع تاني للبيت وبسبب دة عرفت أن في مواقف الطفل مش بينساها وانها بتعلم في نفسية الطفل وانك ممكن تجرح ابنك بدون وعي".
واتجه الحديث عن علاقته بوالده ووالدته، حيث قال "دي من الحاجات اللي نفسي ارجع طفل علشان اعيشها مرة تانية لأن ابويا مات وملحقتش اشبع منه واعيش معاه مرحلة الصداقة كنت لسة متخرج من الجامعة وانا كنت عايش في القاهرة واهلي في بنها وخلال طفولتي كنا في السعودية ومكنتش مدرك اني لازم اشبع من اهلي وانا ملحقتش اشبع منه وهو كان مريض ودي من اللحظات الصعبة اني احس اني عاجز ومش قادر اعمل حاجة لحد بحبه"
وأضاف: "والدي كان مشاهد اكتر من أنه متكلم وحسيت بفضله عليا وفي صفاتي وتكويني وكان عندنا حرية ودة كون شخصياتنا كلنا ومكنش في شكل تقليدي للتربية وبقينا مسؤولين وبنحب بعض"
أخر أعمال أحمد حلمي
يذكر أن أخر أعمال أحمد حلمي مسرحية "ميمو" وشاركه البطولة هنا الزاهد وأحمد رزق وهنا شيحة وغيرهم نخبة من النجوم ومن تأليف ضياء محمد وإخراج هشام عطوة.
