لقاء الخميس تتصدر الترند بعد تصريحها الأخيرة.. مسلمة بالوراثة والحجاب حتة قماشة

تصدرت الفنانة لقاء الخميس ترند الأكثر بحثاً على مواقع التواصل الاجتماعي، بعدما أطلقت تصريحات جريئة خلال لقائها ببرنامج في العمق "in deep" لـ الفنان تامر شلتوت.

لقاء الخميسي:اتخنت مرة واحدة في حياتي

قالت لقاء الخميسي في تضريحاتها مع تامر شلتوت: "أنا اتخنت مرة واحدة، من واحد كنت عارفة إنه يعرف بنات كتير، ولما عرفت بالخيانة سيبته، مش بواجه خالص، مش همشي وأنا مريحاه، مش لسه هقوله هو عمل إيه، هو يقعد يفرك يشوف هو عمل إيه، وأنا بختفي، وبيبقى الحد ده نفسه يعرف إيه الحصل، عاقب نفسك واقعد فكر".

وتابعت: "على مدار حياتي متخانتش من أصدقاء كتير، لإني باخد بالي أنا بصاحب مين عشان بخاف أوي، وفيه ناس ضربت من تحت الحزام بس هما مش مهمين في حياتي، وبرضو في ناس مهمين عملوا معايا كده وزعلت أوي واتأثرت ومكنتش مصدقة، ومردتش على الإهانة اللي اتقالتلي ومعاتبتش لإني عارفة من جوايا إني كبيرة، لو حد عايز حاجة ييجي يقولي لكن ميأذنيش في مشاعري، تعالي قوليلي سيبيلي الدور ده ونقعد ونتناقش، لكن هتلف من ورايا مش عايزة أعرفك تاني".

وعن علاقاتها قبل الزواج، قالت: قبل ما أتجوز، الحاجة اللي كانت بتجذبني للراجل، إنه يكون عنده أي صفة من صفات أبويا، وده مش دايما بيبقى حلو لإنها مش بتتحسب كده، وخدت فوق دماغي كتير، كنت بدور على حاجة شبه الراجل ده وبدور على بابايا، لحد ما ربنا هداني وعرفت محمد عبد المنصف.

لقاء الخميسي: الحجاب حتة قماشة على الصدر

واتجه حديثها حول ديانتها، موضحه: "إحنا بنورث دينا، حد مبيورثش الدين من الأب، أنا مصرية بالوراثة ومسملة بالوراثة، وأخدت دين أبويا، ولم اسئل أنا عايزة أبقى إيه، هل ده لي علاقة من أني مصرية، هل دا تقليل من ديني؟! أنا واضحة بشكل كافي ومش مجبرة أقول حاجة ليها معنى تاني، إحنا واخدين دينا بالوراثة".

وأضافت : "كان ممكن اصحى من نومي الآقي أبويا مسيحي وأبقا مسيحية، أنا مخترتش الناس بتعاقبني ليه، لو ليا جار مسيحي أنا مبحبوش بعقابه ليه، هو ماله هو صحي لقى أبوه مسيحي المفروض ينتحر أو أموته مثلا، المسلميين والمسيحيين بالوراثة، أنا أنتيم عمري مسيحي، هل معناها أني أنا مسلم والمسيحين وحشين.

واختتمت : النقاب غير مذكور في القرآن، وعمري ما قلت إنه مُبتدع، وربنا قال "وليضربن بخمرهن على جيوبهن"، هي حتة قماشة على الصدر.