بعد هجومه على أولاد حريم كريم.. بشرى لـ طارق الشناوي :”هنسبلك الجديد والحديث واحنا مرحرحين في القديم”
ردت الفنانة بشرى على الهجوم الحاد الذي تعرض له فيلم "أولاد حريم كريم" من الناقد الفني طارق الشناوي .
وكان الناقد الفني طارق الشناوي عبر عن رأيه في قيلم "أولاد حريم كريم"، قائلا خلال لقائه بـ برنامج et بالعربي: من أسوأ الأفلام، والأعمال الفنية والفيلم اتعمل بطريقه فيها تراجع، وملوش علاقة لا بالجزء الأول ولا بفن السينما اللي بنعيشه دلوقتي.. ومصطفى قمر مشكلته إنه عايش على الزمن القديم.
وكتبت بشرى في تعليق على ما كتبه مصطفى قمر عبر موقع التواصل الاجتماعي "إنستجرام" : أنا آسفة يا مصطفى لكن أنا شايفة إن كل واحد حر في رأيه والرأي لا يمثل إلا صاحب الرأي لكن الجمهور شأن آخر والغالبية قد قالت كلمتها ورأي واحد سلبي وغير موضوي أمام آلاف الإشادات في قاموس النسبة والتناسب يساوي 1 في الألف أو المليون ودي نسبة لا تُذكر.
وتابعت : ثم لو الأستاذ طارق شايف إن حضرتك قديم واحنا كلنا 12 بطل وبطلة من الجيلين كلنا قدام هو حر، مع إنك يا أخي من أكتر النجوم معاصرة وتجديد ومن أول من أحدث تطوير في الأغنية المصورة وأغانيك بتتلعب في كل مكان ومحفوظة من كل الأجيال والغالب مستمر فـ اسمحلي أقولك يا مصطفى احنا نسيب كل جديد وحديث للأستاذ طارق واحنا قاعدين مبسوطين ومرحرحين ومظأطاطين في القديم.. ده حتى المثل بيقول القديمة تحلى ولو كانت وحلة.
وأضافت: إلا صحيح ما هو التعريف الرسمي للقديم وللحديث في المعجم الوجيز؟! أنا شخصيًا من مواليد التمانينات، وأحب القديم قوي.. ده حتى البقال معندوش جبنة جديدة بس عنده جبنة قديمة كان بالأحرى بالناقد الكبير كتابة نقد موضوعي وعدم إهمال جهود 12 ممثل في الفيلم ومنهم مجموعة من الشباب الواعد فقط لأن في أمر مشخصن كما يبدو مع شخص نجم الفيلم.
واختتمت بشري كلامها: طب مش عاجبك القديم يا أستاذ طارق فيه 6 وجوه جديدة في الفيلم كلهم مش عاجبين حضرتك؟ ده قرار واعي بتحطيم الشباب بقى.. إذن لا تحدثني عن الحداثة وتتهمنا بالقدم.
أبطال فيلم "اولاد حريم كريم"
يذكر أن فيلم "اولاد حريم كريم" يشارك في بطولته مصطفى قمر، داليا البحيري، بسمة، علا غانم، خالد سرحان، عمرو عبد الجليل و بشري ، بالإضافة إلي مجموعة من النجوم الشباب منهم تيام مصطفى قمر، رنا رئيس، وهنا داود، يوسف عمر، كريم كريم ، وتأليف زينب عزيز واخراج علي إدريس، ومن إنتاج شركة انتلجنت (iproductions) وتوزيع خارجي روتانا.
