عايدة رياض تكشف تفاصيل رحلتها مع مرض السرطان.. فيديو
كشفت الفنانة عايدة رياض عن تفاصيل معاناتها مع مرض السرطان الذي أصابها قبل سنوات وخضعت على إثره لعلاج طويل حتى شُفيت منه.
وقالت عايدة رياض خلال حوار لها ببرنامج واحد من الناس مع الإعلامي عمرو الليثي: أنا اتفاجئت زي أي حد، كنت بعمل مسلسل دهشة مع أستاذ يحيى الفخراني وابتديت اتعب شوية، وروحت لدكتور وحللت وأخدت علاج، وكل دا معرفش فيه ايه، وبعد 3 أشهر روحت عملت آشعة، طلع سرطان في المثانة.
وأضافت : وإحساسي وقتها كان صدمة، وقعدت 3 أشهر اتعالج وفي أول شهر كنت مخضوضة، ومكنش فيه حد يعرف خالص غير أخويا.
وتابعت: وبعد أول 3 جلسات عملتهم في المستشفى قالي لازم تشتغلي، وفعلا نزلت الشغل وركبت بروكة، ومقولتش خالص أني تعبانة.
وواصلت: أنا إنسانة ضعيفة جدًا، وربنا هو أهم من كل حاجة، ودا اللي كنت بكلمه بس، وممكن لو قولت لحد يفتكر أني عايزة منه فلوس، واتعالجت، وكنت عملالهم جو جميل جدًا في المستشفى، وكنا بنهيص بليل.
واستكملت: بعد ما اتعالجت روحت لجراح قالي لازم تشيلي المثانة وتركبي مثانة صناعية، بس قررت أني مش هعمل العملية بعد استخارة، وبعدها أخويا جاله سرطان في الدم وبنته كانت 10 شهور، وكانت حالته أصعب مني بكتير.
أخر أعمال عايدة رياض
يذكر أن أخر أعمال عايدة رياض مسلسل ليه لأ 3، وهو بطولة نيللي كريم، صلاح عبد الله، أحمد طارق، معتز هشام، تأليف مريم نعوم "ورشة سرد" وإخراج نادين خان.
