أحمد العوضي يتحدث عن علاقته بزوجته ياسمين عبد العزيز : ”أنا كتاب مفتوح ليها”

حلّ النجم أحمد العوضي ضيفًا على برنامج "صاحبة السعادة"، مساء أمس الإثنين، عبر قناة dmc، ليتحدث عن مشاركته الرمضانية بمسلسل "ضرب نار".

وقال العوضي: كان لينا هدف أنا وياسمين نعمل مسلسل يتساهل الناس تتفرج عليه ويحترم عقولهم.

وتابع: مدرب اللهجة خاص بالكلام لكن الطريقة بتاعت اللكنة تعايشت مع واحد من سوهاج والراجل اللي تعايشت معاه لما بيتعصب بيتكلم بسرعة وأنا بقيت أفهم الكلام منه وقعدت طول الوقت بتكلم صعيدي والبيت بتكلم صعيدي وفي كل حتة.

وعن مشاهد الأكشن في المسلسل، ومشاهد الصقر قال: مشاهد الأكشن بتتكتب ليا والمشاهد بتختلف من شخصية لشخصية وساعات بيبقى عندي قدرات مش بعرف أطلعها في كل الشخصيات لكن الأكشن بيبقى معمول ليا .

و أضاف: مش بستخدم دوبلير في مشاهد الاكشن، ولو استخدمت بدوبلير بحس اني بضحك على المشاهد وبحس إني ناقصني حاجة.

واستكمل: الصقر اتمرنت عليه وهو ضخم واخترت إني أوقفه على دراعي واتمرنت معاه وهو خد عليا، والصقر عورني في ضهري وإيدي بس كله يهون عشان المشاهد.

أحمد العوضي يتحدث عن علاقته بزوجته ياسمين عبد العزيز

على صعيد آخر، تحدث أحمد العوضي عن حياته الشخصية وعلاقته بزوجته الفنانة ياسمين عبد العزيز، قائلا: "في بداية زواجي من ياسمين كنت عصبي واللي أقوله يمشي وفهمت أن الموضوع مش فرض سيطرة، وأي زواج ناجح بيعتمد على السرية بين الطرفين، وأنا كتاب مفتوح لياسمين عبد العزيز ومش بخبي أي حاجة عليها" .

وعن كواليس "ضرب نار" مع ياسمين عبد العزيز، قال: : أنا وياسمين بنفضل نضحك في الكواليس وهي بترميلي السلسلة في مسلسل ضرب نار ضحكت، وبحب مسلسل ضرب نار لأنه شخصية جديدة عليا وكان تحدي ليا أنا وياسمين لانها كانت شخصية جديدة عليها برضو.

أخر أعمال أحمد العوضي

يذكر أن أخر أعمال أحمد العوضي، مسلسل "ضرب نار" ويشارك في بطولته ياسمين عبدالعزيز ، ماجد المصرى، هدى الإتربي، سهير المرشدي، أحمد بدير، هشام المليجي، دنيا المصري، إسراء رخا، أحمد غزي، إيمان السيد، أحمد عبدالله، تأليف ناصر عبدالرحمن، وإخراج مصطفى فكري.