ريم طارق تهاجم طليقها: أنا مدمرة نفسيًا بسبب واحد ملهوش أي صفة
خرجت ريم طارق زوجة مطرب المهرجانات حسن شاكوش عن صمتها وهاجمت أحمد بعد حديثه عنها في أحد البرامج التلفزيونية.
وقالت ريم طارق في مداخلة هاتفية مع الإعلامي سيد علي، في برنامج "حضرة المواطن" المذاع عبر قناة الحدث اليوم: "خلافي مع زوجي حسن شاكوش مش المشكلة الأساسية حاليا، المشكلة الأساسية إني تعرضت للتشهير من واحد ملوش أي علاقي بيا، ومش عارفة صفته إيه علشان يطلع في التليفزيون.
وتابعت ريم: الشخص ده عليه قضايا مستمرة، وطلع يشهر بيا علشان أتنازل عن القضايا، ولازم الجهات تتاخد إجراءات ضده، وأنا قدمت بلاغ ضده، أما خلافي مع حسن شاكوش فهو مسألة عائلية لا علاقة للإعلام بها.
وأضافت: أنا نفسيا مدمرة بسبب الإنسان اللي طلع في التليفزيون، والمذيعة المحترمة اللي استضافته، وهي شاركت في التشهير بي وتشويهي نفسيا.
حديث طليق زوجة شاكوش
وكان طليق ريم طارق زوجة حسن شاكوش حل ضيفًا على برنامج تفاصيل والتي تقدمه الإعلامية نهال طايل وكشف عن العديد من الأسرار في حياتها، حيث قال: الصدمة اللي اتفاجئت بيها إنها تتجوز تاني، وهي عندها تعب صحي لا يمكنها الزواج، وده ظهر بعد شهرين من زواجي منها، وأهلها كلموني عشان تتطلق.
وأوضح : أنا مقصرتش معاها، وقلت لأهلها مش عايز أطلق وأنا هعالجها، وروحت معاها لدكتور ولقيته بيقولي إنها لا يصح لها الزواج.
وواصل: سلمتهم القايمة ومعايا شهود ونزلوا القايمة بالشقة في يومين، وكل الكماليات في البيت خدوها لقيت الشقة فاضية، وأنا معنديش مشكلة في الحاجة مش عايزها بس عايزهم يتنازلوا عن القضايا اللي رفعوها عليا.
يذكر أن الأزمة بين حسن شاكوش وزوجته بدأت بتقديم ريم طارق محضر ضده، متهمة إياه بطردها من منزل الزوجية، والاستيلاء على المنقولات الزوجية وشبكتها، بالإضافة إلى إيصال أمانة لصالحها بديل مؤخر الصداق.
ومن جانبه قام شاكوش بتحرر ضد زوجته بسبب قيامها بترك مسكن الزوجية والأستيلاء على مبلغ مالي قدر بنحو 500 ألف جنيه.
