رانيا يوسف تكذب محمد مختار بعد تصريحاته الأخيرة: طول عمرك ممثل فاشل
ردت الفنانة رانيا يوسف على التصريحات الأخيرة لـ طليقها المنتج محمد مختار، بأنه متكلف بمصاريف بناته.
وكتبت رانيا يوسف تعليقا على فيديو نشرته الإعلامية أسماء إبراهيم من الحلقة، وذلك عبر حسابها بموقع اتواصل الإجتماعى "إنستجرام": الحقيقة أنا مقامي أكبر من أن الواحد يرد على واحد زيك، لطيف أن الواحد يكذب ويصدق نفسه، طول عمرك ممثل فاشل، واللي بعتاك تقول الكلام ده أفشل منك.
وكانت رانيا يوسف هاجمت محمد مختار بعد تصريحاته بـ أنه مازال محافظًا على دفع مصروفات بناته، إذ قالت: يعني معاك 15 ألف، وممعاكش مستندات بفلوس المدارس اللي بتدفعها؟! الـ 15 ألف دول تصرفهم على القطط اللي بتأكلهم في الشارع.
تصريحات محمد مختار
وقال محمد مختار في تصريحاته الأخيرة: هي قالت إني مش بصرف على بناتي وأنا معايا ورق رسمي، والتجريح من رانيا يوسف بقى زيادة شوية وكل الكلام اللي قالته غلط، وببعت لرانيا يوسف كل شهر 15 ألف جنيه لأكل وشرب بناتي و800 ألف للتعليم بس.
وتابع : كل اللي اتطلب مني في دفعه أنا دفعت وقبل القضايا وبعد القضايا وبحولها فلوس كل شهر، وعملنا بند عن المحامي فريد الديب أننا منتكلمش عن حياتنا الشخصية، وأنا اتقال عليا كتير وعمري ما فتحت بوقي، وجاي أرد على اللي هي قالته.
وأضاف: الأب دلوقتي بعد القوانين الجديدة ملهوش أي لازمة وفلوس بس وولادي طلعوا من مدرسة ودخلوا مدرسة تانية وأنا مكنتش أعرف.
