ريم البارودي عن خلافتها مع ريهام سعيد: اللي وسطنا كبروا المواضيع

تحدثت الفنانة ريم البارودي على بداية خلافها مع الإعلامية ريهام سعيد، وذلك خلال حلولها ضيفه على برنامج صبايا الشمس .

وقالت ريم البارودي: كنا بنختلف الاول والخلاف مكنش بيطلع للناس ومكناش بنتخاصم، والخلاف ابتدا ان في شخص ما بينا وانا دايما في التصور ببقى شخص متوتر، وكنت داخلة اصور، والخلاف مفيهوش زينة خالص، وغيرت على وفاء وزعلنا الزعل العادي، والموقف اصلًا كان بسبب كده.

وقاطعتها ريهام سعيد، قائلة: الخلاف حسيت انه بدأ لما كنا في فرح احمد، وقالتلي ليه محطتيش صورة لوفاء عامر!.

وأضافت أن أحد الأشخاص اتصل بها، وأخبرها بأن ريم البارودي طلبت من صحفيين عدم نشر أخبار إيجابية عنها خلال فترة إيقافها، ووصفت رد فعلها قائلة: "إعتبرته تخلي عني، وكتبت ريم البارودي ماتت بالنسبالي".

ومن جهتها، قالت ريم البارودي: "الشخص ده كذاب وأتمنى يواجهني، أنا إتظلمت واللي وسطنا كبروا المواضيع".

وتابعت مخاطبة ريهام سعيد: ""لما نزلتي بوست ريم ماتت، كنت في مرحلة مجنونة في قناة النهار، وبابا كلمني قالي ليه ريهام قالت كده، وكلمت الشخص ده قالي هي زعلانة عشان زينة ودخلنا في موضوع تاني، زعلانة عشان مضت المسلسل الجديد مع زينة، قولتله هي زعلانة من ايه وكان هادي فـ ابتدا ينرفزني اوي.

واستكملت : أنا عارفاكي شخصيًا لا يمكن اقول عليكي كلمة "الفارة" وقولت اذا خاصم فجر، بس اللي نزل للوطن العربي غير الواتساب الحقيقي وكان مونتاچ، وبعد ما خلصت المكالمة راح احمد الهواري قالي امسحي الفويسات دي بسرعة ومكنتش متوقعة انه هيسمع الوطن العربي كله، واكيد اللي بيتعدى حقوقه، واللي اتقالك كذب واحمد الهواري يشهد لحد دلوقتي.

جدير بالذكر، أن ريم البارودي أعلنت في أغسطس الماضي تنازلها عن المحاضر التي حررتها في وقت سابق ضد ريهام سعيد، ودفع غرامة 20 ألف جنيه.