أول رد من تامر حسني على هجوم أحمد أدم: التريند جنن عقول الناس وخلاهم يبيعوا مبادئهم
رد الفنان تامر حسني على هجوم الفنان أحمد آدم عليه، خلال حلقة أمس السبت ببرنامجه "أدم شو" الذي يتم بثه عبر قناة الحياة.
وشارك تامر حسني الفيديو الكامل لحديث أحمد آدم عنه عبر حسابه الرسمي بموقع التواصل الاجتماعي "إنستجرام"، وعلق كاتبًا: أستاذ أحمد آدم فعلا بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس وخليتهم يبيعوا مبادئهم وصداقتهم وأمانتهم لمجرد أن الناس تعرفهم أو تتكلم عليهم ولو ليوم واحد و نسيوا أنه لا يصح إلا الصحيح عشان ده عدل ربنا، وأي أفاقين مع الوقت هتلاقيهم بيختفوا والمحترم الحقيقي هو اللي بيستمر أصل لما نهتم ونرد على كل كداب أمال اللي بيحبونا نعمل معاهم إيه !!!!؟
وتابع: تابعوا قلوب الناس والمواقع اللي هتاخد كلام الأستاذ أحمد السلبي وينشروه، وعلموا عليهم عشان تعرفوا حقيقتهم … والحقيقة أن فعلا الكلام السلبي هو اللي انتشر شكرا أستاذ احمد آدم لكلامك وإشادتك الحقيقية في حقي هي شهادة عظيمة من فنان محترم وكبير بفنه وأخلاقه.
أحمد آدم: مش كفاية على تامر حسني كدة؟ يقدم إسفاف
وكان أحمد أدم تحدث في الفيديو عن فكرة التريند وانتشار الكلام السلبي دائما، وأعطى مثالا حديثه عن تامر حسني في البداية قال عنه إنه نجم موهوب وحقق نجاحات كبيرة سواء في الغناء والتمثيل وكل مجال اقتحمه، ثم بعدها تحدث عنه بشكل سلبي ، وقال: "تامر حسني مين مش واخد بالي، مش كفاية عليك كدا بقا ولا إيه، أول ما طلع طلعلنا شعر صدره وقعد يمصمص في شفايفه ويسبّل للبنات".
وتابع: وبيقدم شوية أغاني تعبانة ويعني إيه أكتر حاجة بحبها فيكي.. طيبة قلبك.. إسفاف، وأفلامه وحشه جدا، وهو اللي بيألف وبيخرج وهو اللي بيعمل موسيقى تصويرية، وهو اللي بيقطع التذاكر بيعمل كل حاجة، معقولة؟ إيه اللي يجيبه لأنور وجدي دا؟ أنت مغني ولا كوميديان ولا مونولوجيست ولا إيه بالظبط؟ كفاية عليك كدا يا تامر.
على جانب آخر، بدأ تامر حسني تحضيرات فيلمه الجديد "تاج" وتشاركه البطولة الفنانة ساندي بعد اعتذار الفنانة مي عمر عن تقديم البطولة النسائية.
آخر أعمال تامر حسني
يذكر أن آخر أعمال تامر حسني فيلم "بحبك"، وشاركه البطولة هنا الزاهد، هدى المفتي، شهد الشاطر، فرح الزاهد، عاليا راشد، فرح كمال، أحمد عزمي، وهو من تأليف وإخراج تامر حسني.
