إيمان الحصري تعود للشاشة بعد فترة غياب بسبب مرضها: عندي إحساس وكأني بشتغل لأول مرة

وجهت الإعلامية إيمان الحصري التحية لكل الأشخاص الذين سألوا عنها في فترة غيابها عن الشاشة أثناء تعرضها لوعكة صحية.

وقالت ايمان الحصري في أولى حلقاتها ببرنامج مساء dmc: “بشكر كل الناس اللي استقبلتني أول ما دخلت القناة شكرًا جزيلًا، وكنا محضرين كلام كتير لكوني بعيدة عن الإعلام حوالي سنة ونص وعن الشاشة بسبب الظروف اللي عديت بيها الفترة اللي فاتت، لكن علاقتي بكتير جدًا من المشاهدين موجودة".

وتابعت: "بيبعتولي في رسائل ودعوات ويطمنوا عليا، متقطعتش العلاقة أبدًا على مدار السنة ونص وكانت قوية جدًا الفترة اللي فاتت، وكنت بستمد من كلماتهم الطيبة والدعوات طاقتي وفرقت معايا بشكل كبير شكرًا على كم الحب والدعم وكانت أزمة وعدت على خير، ويمكن الدعوة الوحيدة اللي المفروض الناس تتمناها لبعض هي الصحة والستر والسعادة يارب للجميع”.

وأضافت ايمان الحصري : “شكرًا لحضراتكم جميعًا، وبشكر زميلتي إنجي القاضي اللي كانت معاكم على مدار السنة الماضية وبتمنالها التوفيق في قناة القاهرة الإخبارية وبشكر زميلتي وأختي جاسمين طه زكي اللي كانت موجودة في الفترة الأولى اللي غبت فيها عن البرنامج.. عندي إحساس وكأني بشتغل أول مرة النهاردة هوا، يمكن عشان بقالي فترة بعيدة، كأننا بنبتدي مع حضراتكم بداية جديدة وأحاول نكون صوتكم ونقدم كل الموضوعات اللي تهمكم”.

يذكر أن إيمان الحصري خضعت لـ 7 عمليات خلال 21 يومًا، ومكثت في العناية المركزة ما يقرب من 8 أشهر وذلك بسبب عدم تكمن الأطباء من التعامل مع الخطأ الطبي الجسيم الذي حدث في العملية الأولى.