ريهام حجاج تكشف تعرضها لحملات مدفوعة الأجر
كشفت الفنانة ريهام حجاج تعرضها لحملات مدفوعة الأجر ، حيث نفت جميع التصريحات المنسوبة لها عن أي شخص أو مشاكل مع أي أشخاص آخرين.
وشاركت ريهام حجاج مقطع فيديو يعرض ما تم نشره على تلك الصفحات على لسانها عبر حسابها في إنستجرام، وعلقت قائلة : "إزيكو يا جماعة أنا أول مرة أتكلم في الموضوع ده، بس قررت إني المرة دي مش هسكت".
وتابعت ريهام: "أنا منزلة لكم 15 خبر نازل في 15 صفحة أو أكثر، وهي حملة مدفوعة الأجر فيها كلام لا اتقال على لساني ولا عارفة عنه أي حاجة، نزل كله في توقيت واحد وعلى صفحات كثيرة جدا".
وأضافت: "أنا معرفش إيه سبب لازم تتجاب سيرتنا في مشاكل ملناش دعوة بيها، زي ما بيحصل من 4 سنين بس المرة دي الموضوع بوخ وزود".
واتمت : "أنا معنديش حساب على تويتر، والكلام ده متقالش ، وإنه ينزل بالفجاجة دي وعلى كمية صفحات وحسابات كبيرة في وقت واحد أكيد مش صدفة".
