هجوم حاد من بهاء الدين محمد على شيرين عبد الوهاب: لما حد يتجاوز حدوده لازم يقف مكانه

خرج الشاعر بهاء الدين محمد عن صمته بعد إعلان الفنانة شيرين عبد الوهاب ندمها على أغنية "ما تجرحنيش" من تأليفه.

وكتب بهاء الدين محمد عبر حسابه الشخصي بموقع التواصل الاجتماعي "فيس بوك" :مش متعود أرد على أى حد . ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد ف كل كارثة يدافع عنها ! .

وأضاف : وحأتكلم بإختصار جدا المشهد الأول..أول يوم دخلت شيرين عبدالوهاب مكتبى كانت مع الأستاذ نصر حروس اللى هو صاحب الفضل ف تقديمها وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء !".

وتابع :المشهد الثاني رشحتها تغنى كتير بنعشق ولولا موافقة نصر إحتراما للعشرة اللى بنا ماكانتش ح تغنيها لأنها كانت موقوفه من النقابة، أما المشهد الثالث :لما فوجئت بمدير أعمالها الرجل اللى أنا بأحبه وبأحترمه لقيته بيكلمنى نيابه عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطه زى دى !!! لأن المشهد ده مش لايق على المشهد الأول".

وأوضح بهاء الدين محمد: المشهد الرابع والأخير أغنية "ماتجرحنيش" أنا لحد الأن مش عاجبنى غُنا شيرين مع إحترامى الكامل لصوتها وأكيد لولا الأستاذ نصر ماكانش ح يتم اللقاء، وماتجرحنيش من أهم أعمالى ومن حقى أدافع عنها نتاج تهور اللى غنيتها " .

واختتم : وكمان لأول مرة الاقى حد بيحارب نَفسه وبيغلط ف مبدعين إشتركوا ف صناعته !!! .. وعشان أكتب الكلام ده يبقى شيرين غلطانه كالعادة بس كان لازم أقولها ماتعمليش كده تانى وأنتى بتكبرى بس مش ح تعدى حدود حجم بعض الأسماء ولا أعمالهم ".

وكانت شيرين عبد الوهاب ردت على سؤالا وجه لها، جاء فيه: "في أغنية ندمتي عليها"، ردت الفنانة، عليها عبر خاصية "اسأل" على حسابها بـ إنستجرام، قائلة: "ماتجرحنيش".

آخر أعمال شيرين عبد الوهاب

يذكر أن شيرين عبد الوهاب نجاحا كبيرا الفترة الماضية من خلال عدد من الأغاني التي طرحتها على موقع يوتيوب، حيث طرحت العديد من الأغاني التي نالت إعجاب الجمهور من بينهم أغنية كلها غيرانة وخاصمت النوم وغيرها من الأغاني.