شقيقة محمد حلاوة تهاجم ياسمين عبد العزيز: خافي على مصلحة ولادك
هاجمت شقيقة رجل الأعمال محمد حلاوة، السيدة لمياء ، الفنانة ياسمين عبد العزيز بعد وصفها لـ بوسي شلبي و ريهام حجاج بالحرابيق.
وشارك محمد حلاوة عبر حسابه على "إنستجرام" فيديو شقيقته وهي تعلق على ما نشرته ياسمين عبد العزيز على صفحتها الشخصية بـ"فيس بوك"وقالت: "أنا اسمي لمياء حلاوة أخت محمد حلاوة، الحقيقة أنا شفت برنامج ريهام صاحبتي وأختي ومرات أخويا وكنت فرحانه بيه وشفت أنها قالت كلام محترم وكلام من قلبها، الحاجة اللي ضايقتني وأزعجتني ودي حاجة عائلية أني فوجئت من كام ساعة كلام يتقال على حرابيق وكلام ميصحش يتقال".
وتابعت: "يا جماعة إحنا بقالنا 3 سنين بنتحارب ونتهاجم ويتقال علينا كلام غلط وأحنا مبنردش علشان خاطر مصلحة ولادنا وعلشان ده اللي اتعلمناه في الدنيا أن احنا نخاف على ولادنا بس الظاهر أن في ناس تانية مش فارق معاها الكلام ده".
وأضافت:" احنا خلاص خرجناكي من حياتنا وقفلنا صفحتك ومش بس كده مبنفتكركيش وعاوزينك أنتي كمان تركزي في صفحتك وتنسينا وحاولي أن أنتي تكوني سعيدة لأن أحنا بقينا سعداء وأحنا بعيد عنك".
واختتمت حديثها:" يارب الكلام ده يوصلك لأن غير كده أنا أظن أنك هتبوظي الصفحة الجديدة بتاعتك هي كمان، ده اللي عاوزة أقولهولك وأقوله لمصلحة ولادك".
وكانت ياسمين نشرت صورة عبر حسابها بموقع التواصل الإجتماعي "فيس بوك" صورة لزوجها أحمد العوضي من مسلسل "اللي مالوش كبير"، ومكتوب عليها: "على الله حكايتكم يا جوز حرابيق".
يذكر أن ياسمين عبد العزيز في الموسم الرمضاني 2021 ببطولة مسلسل "اللي مالوش كبير" من تأليف عمرو محمود ياسين، إخراج مصطفى فكري، بطولة أحمد العوضي، خالد الصاوي، دنيا عبد العزيز، دينا فؤاد، محمود حافظ ومحمود ياسين.
