الأموال
الثلاثاء 16 سبتمبر 2025 07:45 مـ 23 ربيع أول 1447 هـ
الأموال رئيس مجلس الإدارة ورئيس التحريرماجد علي
مسؤولون ومطورون يناقشون طرق جذب الصناديق العقارية وتنظيم المنصات الرقمية مركز «الملاذ الآمن»: مخاوف نقص المعروض تقود الفضة لأعلى مستوياتها منذ 14 عامًا البنك العربى الأفريقى الدولى يصدر سندات توريق بقيمة 2.59 مليار جنيه لشركة أولين كاونسل ماسترز: نورث سكوير مول يستقبل مليون زائر في موسم صيف 2025 شركة AOG Developments تطلق لوجانو رأس سدر على 94 فداناً حسن الخطيب يترأس توافقا إفريقيا هاما حول قواعد المنشأ للمنسوجات والسيارات ماونتن ڤيو تطلق مشروع Crysta ماونتن ڤيو يضم 3 فنادق بوتيك في الساحل الشمالي الفيومي : مشروعات رأس الحكمة ومراسي البحر الأحمر استثمارات استراتيجية دي بي ورلد مصر و «السويدي للتنمية الصناعية» تطلقان مشروع تخزين مبرد باستثمارات 29 مليون دولار وزارة السياحة والآثار تحيل واقعة اختفاء إسوارة أثرية من المتحف المصري للتحقيق مصر تدين التصعيد العسكري الإسرائيلي في غزة الفريق أسامة ربيع يتابع أعمال تطوير الترسانة البحرية ويشهد انطلاق أول معديات تعمل بالطاقة النظيفة

فنون

بالفيديو.. ياسمين عبد العزيز تروي مقلب أحمد السقا معها في مسرحية ”كدة أوكيه ”

ياسمين عبد العزيز وأحمد السقا
ياسمين عبد العزيز وأحمد السقا

روت الفنانة ياسمين عبد العزيز موقًفا طريًفا جمعها بالفنان أحمد السقا، مشيرة إلى أنه كان يحب تنفيذ المقالب.

وقالت ياسمين عبد العزيز خلال لقائها مع الفنانة إسعاد يونس في برنامج "صاحبة السعادة" المذاع عبر قناة dmc: أحمد السقا معروف إنه بتاع مقالب وأنا مابسكتش .. وقت كدة أوكيه كل واحد كان عنده أوضته وبيعمل فيها اللي عايزه وبيدهنها عشان قعدنا نعمل مسرح 3 سنين فـ كأنه بيتنا وأنا كنت داهنة أوضتي نبيتي عشان بحبه أوي.

وتابعت: خلصت الفقرة بتاعتي وراجعة الأوضة فـ دخلت لقيت الأوضة كلها أبيض والبنـت المساعدة أبيض وواقفالي فـ مسكتها قولتلها مين اللي عامل فيكي كدة؟ قالتلي أستاذ أحمد السقا.

وأضافت: أتاري أحمد جاب طفاية الحـر يق رش الأوضة كلها بالبنـت بكل حاجة .. قولتلها هو عمل فيكي كدة؟ قالتلي اه .. استنيت لما دخل المسرح وروحت نازلة أوضته تحت، كان فيه قعدة جمبها فيها ممثلين سليمان عيد وكذا حد تاني روحت أنا داخلة الأوضة من غير ما حد ياخد باله .. وقعدت أرشها كلها وروحت رامية الطفـاية وجريت عشان سمعت إن الدخلة بتاعتي معادها جه.

واستكملت: المهم خارجة من الأوضة لقيت فريق الرقص جاي فـ قعدت أكح وعملت متفاجئة وقولتلهم مين اللي عمل كدة!! وجريت عالمسرح .. دخلت من هنا وهو بقى كان عرف قعد يلف عليا لحد ما عرف إني جوة المسرح، خلصت فقرتي وجريت على أوضة الراقصين قولتلهم لو أحمد السقا جه صوّتوا وقولوا إنكم بتغيروا.

واتمت: وهو قعد يدور عليا لحد ما جه الأوضة فـ قالوا زي ما قولتلهم .. المشكلة إن ليا دخلة تانية معادها قرب فـ المدير جه بقى وقلبت خنـاقة وقعدت أقوله هو اللي بدأ وبعدها دخلت دخلتي.

أخر أعمال ياسمين عبد العزيز

يذكر أن أخر أعمال ياسمين عبد العزيز مشاركتها في الموسم الرمضاني 2023 بـ مسلسل "ضرب نار" وشاركها البطولة كل من أحمد العوضي وماجد المصري وهدى الإتربي وسهير المرشدي أحمد بدير وهشام المليجي ودنيا المصري وإسراء رخا وأحمد غزي وإيمان السيد وأحمد عبدالله، ومن تأليف ناصر عبد الرحمن، وإخراج مصطفى فكري.