مينا مسعود .. كتب كتاب عن أكلات مصر لان عاوز ارفع اسمها قدام العالم كله

تصريحات مينا مسعود عن فيلم في عز الضهر

تحدث النجم المصري العالمى مينا مسعود، عن تحضيرات فيلم "في عز الضهر" في تصريحات تليفزيونية، قائلا "أنه هيكون فيلم أكشن ودراما وفى شوية كوميدى"، مضيفا "أنا كان نفسى من صغرى إنى أرجع مصر، وأعمل فيلم مصري، وكل حاجة بتيجى في وقتها، وأنا فرحان جدا إنى شغال مع فريق عمل الفيلم ده".

تجربة مينا مسعود في مصر

وأضاف النجم مينا مسعود، خلال لقائه في برنامج "its show time"، المذاع على قناة Cbc، "اللى شدنى في فيلم "في عز الضهر"، حكاية حمزة وهو شخص مختلف شوية وشخصيتى قريبة شوية لان هو مش من مصر وراح عاش بره زيى، ولكن أنا بحاول أشتغل على اللغة العربى أكتر وبحسنها، وحاليا بقيت أحسن من السنة اللى فاتت.

ورد مينا مسعود عن الاختلافات الموجودة بين صناعة الأفلام في مصر وفي أمريكا، قال:" هنا ماشيين بالحب لكن بره لا، لا هو فعلا الفرق إن الاستوديوهات بره ضخمة جدا، ولكن هنا بحس ان في ناس زيى ومعايا في العمل".

كما تحدث مينا عن الكتاب الذى كتبه لوصفات أكل مفيدة ونباتية، قال " أنا كتبت الكتاب وحطيت حتى فيه أكلات مصرية زى البسبوسة والمحشى والكشرى، لأنى عاوز أورى لكل الناس مصر وجمالها، وأنا كمصرى عاوز أرفع اسم مصر قدام العالم كله".

فيلم «في عز الضهر» أول عمل للنجم العالمي فى مصر بعد النجاح الكبير الذي حققه عالميا فى فيلم ديزنى الشهير "علاء الدين" مع ويل سميث وناعومى سكوت، ويشاركه فى بطولة فيلمه كل من هنا الزاهد، محمد عز، محمد على رزق، محمود حجازى، ميرنا نور الدين، والفيلم من تأليف كريم سرور وإخراج مرقس عادل وإنتاج عادل سعد.