حسين فهمي: عبدالحليم حافظ كان بيغير مني بسبب البنات

كشف الفنان حسين فهمي عن غيرة العندليب الأسمر عبدالحليم حافظ منه واتهمه بتنظيم حملة للهجوم عليه في بداية حياته الفنية.

وقال حسين خلال حواره مع الإعلامية وفاء الكيلاني ببرنامج "السيرة" على قناة DMC: ان أثناء عرض فيلمه "نار الشوق" حدث هجوم غير مبرر عليه في الصحافة بدون سبب.

وتابع: كنت بروح السينما ألاقي الدنيا مليانة والناس فرحانة.. أشوف الجرايد ألاقي نفسي بتشتم.

وأضاف :قبلت مدير التصوير الأستاذ وحيد فريد وكان شريك عبد الحليم حافظ.. بيقولي مبروك يا واد يا حسين الأفلام مكسرة الدنيا، قولتله ده أنا بتشتم في الجرايد قالي أنت فاهم إن عبد الحليم حافظ هيسيبك في حالك!! قالي ما هو البنت لما تشيل صورة عبد الحليم وتحط صورتك لازم هو يقلق".

واستكمل :أنا مكنتش فاهم السيستم الجديد ده، وحروب تحت الحزام اللي مكنتش أعرفها.