دنيا سمير غانم: أنا و إيمي شبه بعض في حب الناس واحترمنا لشغلنا.. وستات كبيرة بتقابلني بتوصيني عليها

كشفت الفنانة دنيا سمير غانم خلال لقائها مع الإعلامي عمرو أديب في برنامج "بودكاست BIGTIME"، عن علاقتها بشقيقتها إيمي بعد رحيل والديهما.

وقالت دنيا سمير غانم: احنا على طول مع بعض وبعد بابي ومامي هي جت سكنت جمبي، لأن حسن كان مرتبط بمامته وإيمي كانت مرتبطة ببابي، فلما هما مبقوش موجودين بقينا كلنا جنب بعض، ومن الحاجات اللي بسمعها لما بقابل ستات كبيرة يقولولي خليكي مع أختك.

وتابعت: مفيش فرق بيني وبين إيمي في الجانب الإنساني، زي حبنا للناس واحترمنا لشغلنا، الحاجات اللي تربينا عليها، لكن في اختلاف في الطباع أنا هادية جدا وممكن أقعد أشيل، لكن إيمي بتهزر طول الوقت، واخده جينات خفة الدم من بابي، وفي حياتها عصبية جدًا.

يذكر أن دنيا سمير غانم عرض لها مؤخرا مسرحية "أنستونا" في السعودية، وشارك في بطولتها: بيومي فؤاد، سامي مغاوري، كريم عفيفي، عمرو عبد العزيز، وهي من تأليف كريم سامي، وإخراج خالد جلال.