نشوى مصطفى في مرمى الانتقادات بعد حديثها عن انقطاع الكهرباء وأسعار البنزين
واجهت الفنانة نشوى مصطفى انتقادات لاذعة بعد تصريحاتها حول ارتفاع سعر البنزين وانقطاع الكهرباء.
قالت نشوى مصطفى خلال برامجها بنت البلد على قناة Ten: البنزين زاد لما العدو منع عنك تصدير الطاقة علشان يذلك ويكسرك ويهينك كمصري، المفروض أنت تقوله مش عاوز.. إيه يعني الكهرباء تقطع ساعتين تلاتة في اليوم، لأ اقطع 12 ساعة في اليوم بس أنا فوق العدو مش هيكسرني ومش هيذلني.
وأضافت: "الناس اللي بيقولوا الكهربا قاطعة بدال الساعة ساعتين، حتى لو قطعت 24 ساعة بس تبقى في بيتك متأمن مفيش عدو بره واقف ممكن يدخل يغتصب بنتك ومراتك ووالدتك، فالحمد لله نستحمل إحنا صحاب البلد دي ويا رب أحميها وأحرسها".
وفور تداول تلك التصريحات واجهت نشوى العديد من الانتقادات على موقع "أكس" الشهير، وكتب أحدهم :"طيب خلاص ٢٤ ساعة تتقطع من عند بيت الاستاذة نشوى ب ١٢ منطقة مفتوح فيها النور لو لمؤاخذة هي موافقة"، وعلق أخر:"الهانم اللى بتخوفنا و بتخوف نساء مصر من عدم الأمن و الأمان أحب افكرها إن مصر عدى عليها فترة إنفلات أمنى الناس كانت بتحمى شوارع ولا حضرتك ناسية علشان عايشة فى كومباوند".
يذكر أن برنامج "بنت البلد" لـ نشوى مصطفى يعرض من الثلاثاء إلى الخميس عبر قناة Ten.