شيرين عبد الوهاب عن حسام حبيب: كنت بحب سرطان (تسجيل صوتي)

انتشر الجزء الثاني من حوار الفنانة شيرين عبد الوهاب مع الإعلامية اللبنانية نضال الأحمدية، بالتزامن مع الظهور الأول لها بعد أزمة انفصالها عن زوجها حسام حبيب في مهرجان "أم الإمارات" المقام في أبو ظبي.

وقالت شيرين عبد الوهاب أنها حاولت تكبير عائلتها مع زوجها حسام حبيب ولكن محاولتها باءت بالفشل بسببه".

وتابعت:"روحت عشان اشيل بويضات بأجود حالات لكن الإجراءات كانت صعبة عليا جدا عملتها وكان لازم اشيل بويضاتي لوحدي لكن حسام أصر أن يشيل البويضات بالأجنة بتوعه، أنا مش عايزة أخلف منه خلاص".

واستكملت باكية:"كل تعب الأسابيع والشهور دي راح علشان حد مستهتر حد مش عارف يعني إيه دنيا، علشان راجل مش مقدر ست بتظبط نفسها علشان هتدفن في نفس المكان اللي هيدفن فيه.. صعب أوي اللي أنا فيه مش قادرة اتحمله.. تعبت أوي في كل حاجة، أنا تعبت في العلاقة دي أوي".

وأضافت:" الست في عمري بتبقى أكبر من عمر الراجل اللي في سنها بعشرين سنة، أنا قولتله أني مش عايزة اتجوز من ولد عشان أنا هبقى في العلاقة ماما و أنا مش عايزة اكون ماما أنا زهقت من دور ماما، عايزة ابقى برنسس سندريلا وأنا رضيت، رضينا بلهم والهم مرضاش بينا".

وأوضحت:" أنا معشتش دور الحبيبة ولا مرة، كل مرة بكون دور ماما وبس ومفيش راجل إداني قد ما اديته، برغم اني بحبه بس أنا بحب سرطان لأني لما بحب بدي كل حاجة، وارتباطي بيه بقا ضعف وخوف وأنا مبحبش أكون ضعيفة".

الظهور الأول لشيرين بعد انفصالها عن زوجها حسام حبيب

وكانت شيرين عبد الوهاب ظهرت حليقه شعرها في حفلها الفني الأخير بمدينة أبو ظبي وقالت لجمهورها:"أتمنى أنكم تقبلوني بشكلي دا، بس أنتم عارفين أني كدة فوقت".

شيرين تتصدر تريند جوجل

وتصدرت شيرين الترند على مواقع التواصل الاجتماعي، بعد قصة شعرها الجديدة، فيما أبدى متابعون آخرون اندهاشهم من هذه الخطوة، نظرًا لجرأة القصّة، وعدم اعتيادهم على رؤية الفنانة بهذا الشكل.

وقال المعلقون بأن شيرين عبد الوهاب تحاول أن تعيش أجواء جديدة في حياتها، وهذا بدا واضحًا في الآونة الأخيرة، وقال أخرين أن زوجها حسام حبيب تسبب في حلق شعرها وقام بالاعتداء عليها بالضرب.

شيرين تعلق على قصة شعرها الجديدة بعد حديث الجمهور

وعلقت شيرين عبد الوهاب على حديث الجمهور عبر حسابها على"تويتر"، قائلة: على "ليه ميكونش لوك جديد؟ ليه ميكونش تغيير ؟ ليه ميكونش انا اللي عملت كده حتى لو عند اكتئاب؟، ليه فرضتوا السىء والأسوء وظلمتوا شخص برىء وظلمتوني، أنا قوية بيكم، بس محبش حبكوا ليا يخليكيوا متشوفوش الحقايق أو تكونوا ظالمين".

وعلى الجانب الأخر، عادت شيرين عبد الوهاب للساحة الفنية، بأغنية جديدة تحمل اسم "كلها غيرانة" وهي من كلمات محمد مصطفى ملك، ألحان محمود أنور وتوزيع محمد مجدي.